Prólogos das obras incluídas - SLI

[XVI] Don Eladio, mociño da aldea, ó se impoñer no traballo da adeministración da
cidade, díuse á tarefa cun senso de honra, de deber xornaleiro. Vivíu e foi valor operante no
goberno de unha cidade ilustre e moderna. O vello esprito urbán, criador das liberdades políticas,
animóu ó largo de moitos anos a vida de Don Eladio. Foi un monxe na súa oficina. Emocioábase
lembrando os probremas, os trunfos, os tramos angustiosos da vida municipal.
Participaba, no seu posto, no goberno da brilante nau bogante da Cruña.
Nomeado, en propiedade, funcionario ó 20 de agosto do 1888, foi xubilado ó 26 de
agosto do 1937. Son 49 anos -máis, con algús servicios anteriores- nos que pasa de escribinte
a oficial da Secretaría, e ó seu cárrego na historia do Concello da Cruña, clásico, de Oficial
Mayor. Hai grave emoción de esencias do tempo decorrido, de frol do traballo xornaleiro e
calado no escrito -14 de agosto do 1937- pedindo o descanso: ...lleva prestados al Municipio
más de 48 años de continuados servicios, en el cumplimiento de los cuales ha procurado
poner siempre toda su buena voluntad y todos sus entusiasmos, para desempeñar lealmente,
con dignidad y con decoro, ya que no con suficiente aptitud, los diversos cargos que le han
sido confiados a través de aquel largo período de tiempo... Nil compríu algús empregos de
singular valencia. Por exempro a laboura a prol da Cruz Roxa, o tempo de Secretario interino
do Concello. Unha foula de agradecemento debéu devalar mollando os ollos de Don Eladio, ó