Prólogos das obras incluídas - SLI

cotos asoellados, os alteirosos pazos ulentes ó sábrego das adegas, panforreantes cas labouradas
chemineas, as feitiñas naus das eirexas ancoradas nas portas dos adrales, as vilas craras de
rúas ca arquiteitura e composición labregas das viñas dispostas en parreiras encobridoras
[XIV] do torrón, ergueitas nos camiños e vieiros, nas arboredas verdecentes pra daren
vagantío ós carros e ós cabaleiros. Criaban as parreiras unha baixa e ricaz estaxe, verdecente e
fresqueira. O ollar pousaba na fartura leda de unha arquiteituta vexetal, sóio curtada con
armuñía por os regueiros percorridos por os renques de arboredos amigos das augas.
Na cunca granítica do Ribeiro, escultura ó estilo barroco, con unha temática ordeada a
locir nos exemprares penedos ovoides, i entromedio dos mantos crecedeiros de pinos, locen
torres i eirexas case episcopales, como a de Beade; latexan na vila de Ribadavia a lenda e o
humorismo, a fidalguía e a gloria de fartas riquezas en ledizosos e graves conxuntos, dentro de
unha lus belida, na que poderíase descobrir o gris e albo dos valentes granitos, o verdecer das
follas da videira; pro cecaives o tema ribeirán sexa de festa e perfeución, de fala e orlamento
clásicos nos desposorios de San Croyo por a ponte, cidadán e pasaxeira, con Leiro centroso.
En ningures apañan feitíos semellantes os espellos do Avia. Nises cernes paisaxes, a sombra
das parés hedrosas e rechouchiantes de paxaros da tradición monástica e fidalga, veu ó mundo
o noso poeta. Mais eiquí imponnos un respeto e un silencio, o misterio emozoante da nenez.