Prólogos das obras incluídas - SLI

[VII] NOTA EDITORIAL
Froito dun esforzo pacientísimo de moitos anos, esta obra era merecente de ser incorporada
ó patrimonio común da nosa cultura, de poucas cousas tan escasa como de estudos
sobre o idioma ou de instrumentos útiles pra o seu conocemento. Unha malafada persistente
fixo que a serie de esforzos encamiñados a correxir ou atenuar esa deficiencia cultural, iniciados
con gran pulo xa no século XVII, malográsese case totalmente, ben por permaneceren
inéditos os traballos ben por se teren perdido definitivamente sin chegaren a ser publicados.
O Diccionario Enciclopédico Gallego-Castellano de Don Eladio Rodriguez representa
o derradeiro gran esforzo desa serie de obras inéditas ou perdidas. GALAXIA, que se propón
levar a cabo a publicación de tódolos materiás, estudos ou obras adicadas á língoa galega
que se conservan inéditas, tiña que comenzar naturalmente por ésta, non sóio por ser a máis
recente senón por ser a máis completa de cantas están nesas condicións.
Mentras non se acomete a gran empresa coleitiva de recoller metódicamente o noso
tesouro idiomático e crasificar e ordear o seu caudal léxico con arreglo a criterios rigorosamente
técnicos, a publicación de obras como a presente é da meirande urxencia e utilidade
pra millor conocemento do noso idioma, sobre todo si se ten en conta que o aitual rexurdimento
das letras vernáculas vaille dando primacía cultural a ise problema.