Prólogos das obras incluídas - SLI

c) As voces dos dicionarios e repertorios lesicográficos van tamén en letra itálica
minúscula, ben a continuación das do grupo II ou ben mesturadas con elas (cando as hai);
poden aparecer tamén inmediatamente despóis da definición da entrada de S. Xorxe. O normal
-salvo unha grande parte das que pertenecen ó CF.- é que as verbas deste grupo III non aparezan
definidas, senón que se remita á obra en que se poden atopar. Por outra banda, débese ter
en conta que non aparecen nunca como entradas do lésico.
d) As definicións son, salvo contadas escepcións, as do propio autor, que a meirande
parte das veces non fai senón tomar as do dicionario da Real Academia Española; as acepcións
que aparecen indicadas cunha cifra arábiga, coas que o autor especifica o sentido de algunha
voz, remiten, polo tanto, ás deste últirno dicionario. Pro cando unha acepción aparece indicada
con letra, quere decir que se remite a definición dada noutro lugar á correspondente voz de S.
Xorxe.
e) Normalmente as voces do grupo II non aparecen definidas e debe entenderse que o
seu significado é o mesmo (nunha ou nas varias acep[8]cións, se non se indica outra cousa) có
da voz que lle precede, ben sexa a entrada lésica de S. Xorxe, ou outra do mesmo grupo.