Prólogos das obras incluídas - SLI

Noutros casos só ofrece unha aproximación significativa: piarda. Pez pequeño
como el bucareo; ou fai constar, como no demais léxico xeral, as variantes que coñece
dun mesmo nome; así: saboga, saboca, saboia e samborca son as variantes en galego
para os equivalentes casteláns ‘saboca’ ou ‘saboga’.
No referente ás plantas, atopamos algo máis de confusión no plano da descrición.
Como mostra desta confusión, dámo-lo exemplo dun caso que se aproxima ó que se
coñece como círculo vicioso: albichorno. Scrofularia terrestris; albitorno. v. herba de
S. Pedro. Que torna blanco lo manchado, que limpia y es jabonera; herba de S. Pedro.
Scrofularia terrestris.
Neste caso o nome científico está constituído polos consabidos dous elementos
latinos, pero tamén pode estar constituído por tres (xénero-especie-variedade). Así:
camariña. v. urce. Brezo. Erica bacifera lusitana. En moitos casos só dá a equivalencia
e noutros a equivalencia máis o nome científico: alabarza. Acedera; silvamacho. Zarza
perruna; silva-mar. Silva macho. Smilax aspera.
Hai algún caso en que ademais da equivalencia ou da definición en castelán dá as
equivalentes en francés e en latín, como ocorre na voz calzamo. Planta de mal olor a que
en Santiago llaman mejacan y en castellano suzon, yerba cana, fr. seneçon, lat. senecio;
ou gibalveira. Brusco. Ruscus.
20