Prólogos das obras incluídas - SLI

Para a ictioloxía e mariscos segue o índice do pequeno libro de Cornide, Ensayo
de una historia de los peces. Pero en ocasións non dá os nomes científicos dos
individuos ou inclúe algúns non recollidos naquel autor. Nestes casos, recorre a
Sarmiento e ós seus propios coñecementos.
Podemos ofrecer unha síntese do tratamento destes casos. Así, o máis frecuente é
que despois da entrada apareza o equivalente e a seguir o nome científico. Este consta
dos dous elementos latinos propostos por Linneo, e así o temos en casos coma os
seguintes:
badejo. Abadejo. Gadus polacus; robalo. Robalo. Perca labrax; boi. Meya.
Cancer oblongus; etc.
Outras veces dá só o nome científico: patilao. Cancer latipex; cuco. Lapa
patella; etc.
Pero tamén detectamos algúns casos nos que dá o nome científico do xénero:
peixe espada. Pez espada. Xiphias; mangon. Folade. Pholas; macareu.
Sarda. Scomber.
No plano gráfico uniformámo-lo criterio, poñendo en maiúscula inicial o nome
de xénero e os dous en cursiva.
Outros moitos nomes de peixes figuran sen a denominación científica. Así,
bonito, salmón, sardiña, peixe sapo, saboga, sabel, sabalo son nomes de peixe nos que
só aparece a equivalencia.
19