Prólogos das obras incluídas - SLI

d) Definición enciclopédica. Só en casos moi contados, como o das voces
gaita, peto, etc.
Ademais, cómpre ter en conta que:
e) A coma, e en ocasións o punto, pode servir para dividir acepcións: meco.
Adúltero, apodo de los del Grove; ou simplemente para separar sinónimos
de saída: meda. Almear, meda, hacina; meiguice. Meguez, roncería,
encanto; etc.
f) Nalgúns casos a equivalencia non dá unha explicación exacta ou suficiente
da entrada, senón moi xeral e vaga, como en: poenxo. Yerba olorosa,
lirpas. Clase de peces ou lavandeira. Pajarito como alondra.
Cómpre salientar que cando máis aparecen as explicacións como substitutas ou
complementarias das equivalencias é en palabras moi específicas da cultura agraria
galega, que quizá entrañaban maior dificultade para o lexicógrafo á hora de atopar unha
equivalencia exacta. Podemos dar algúns exemplos de voces que aparecen no
vocabulario sen equivalencia e con definición ou explicación en castelán: cadabullar,
desbazar, foula, resío, relacionadas con actividades ou lugares do campo; ateirò,
brullón, que designan utensilios ou obxectos; birimbao, couto, fitón, referentes a xogos;
cercha, chaira, paradeira, etc. propias de profesións. Nestes casos e noutros moitos
similares, Pintos opta por explica-lo termo antes que buscar unha equivalencia que en
moitos casos lle sería moi difícil atopar.
17