Prólogos das obras incluídas - SLI

- Ademais, hai casos en que constitúen entrada formas en feminino, diminutivos,
formas cos dous xéneros e, no caso dos verbos, ás veces aparece como entrada unha
forma conxugada: só, son. Soy; ou en xerundio: compondo. Componiendo.
- Tamén se rexistran como entradas expresións ou frases feitas: a nado, por mor,
ai da puxa, etc.
Unha das características salientables deste vocabulario é a gran cantidade de
diminutivos incluídos como entradas, que interpretamos como consecuencia do feito de
estes adquiriren en ocasións significados parcialmente distintos -o matiz afectivo, etc.-,
aínda que ben é certo que noutros casos non engaden ningún matiz novo no plano do
significado. Cómpre mencionar que este criterio é seguido con certa profusión tamén por
Marcial Valladares.
Citamos algúns casos: corniño. Cuernecito; limpeciña. La mejor ropa; gustiño.
Mucho gusto, delicia; joíña. Expresión mimosa; gentiña. Gentecilla.
Outros diminutivos rexistrados no vocabulario son: amiguiño, amorosiño,
angeliño, arquiña, becerriño/ña, bocadiño, burriño/ña, cabasiña, cabaliño, cabeliño,
cabriña, caixiña, caixonciño, campiño, camiña, cansiño, caraveliño, cariña, carriño,
chaviña, coitadiño, cordeiriño, cousiña, coviña, craviño, creguiño, dediño, dentiño,
eiradiño, espadiña, fachiña, facendiña, faixiña, fontiña, figuiño, verruguiña, vidriño, etc.
14