Prólogos das obras incluídas - SLI

A tipoloxía da obra correspóndese cun vocabulario da lingua común que
abrangue o léxico vivo do momento, como o testemuñan as distintas variedades
populares (seseo, a nivel fonético, vulgarismos, a nivel léxico-morfolóxico) e os
dialectalismos do sur de Pontevedra, convivindo cunha boa colleita de formas cultas e
sen recorrer en exceso, xeralmente, a formas arcaicas.
Trata de incluír un léxico fundamental común do galego, e conségueo en certa
medida, se ben cómpre facer salvidades como a de que un bo número de voces que
deberían aparecer están ausentes deste vocabulario, constituíndo as lagoas ou ausencias
destacables. Podemos mencionar ausencias dalgunhas voces do vocabulario, collidas ó
chou, pero isto poderiámolo facer extensible a toda a obra. Así, seguindo os diccionarios
básicos da lingua actual, observamos como Pintos non introduce palabras tan comúns e
elementais como: abrasar, abrazar, abrazo, abrigar, abrigo, abril, aborrecer, abotoar,
acenar, acender, acordar, acompañar, aconsellar, acontecer, acougar, actividade,
actuar; fácil, facenda, fábrica, fábula; labio, labor, lado, ladrón, lágrima, laiar,
lámpada, lancha, lanzar, etc.
Xeralmente, a base da entrada é unha palabra:
- substantivos e adxectivos en xénero non marcado e en número singular.
- verbos en infinitivo.
- pronomes, adverbios, preposicións e conxuncións
13