Prólogos das obras incluídas - SLI

O vocabulario está ordenado alfabeticamente. Só hai un problema de ordenación
na letra c. Á altura da páxina 21 do ms., concretamente, despois da palabra “cerollo” e
ata a páxina 30, e da páxina 31, desde “cereixa”, ata a 35, ó final da letra c, incluído o ch,
que el non considera como letra independente, repítense a maioría das entradas. Unhas
repíteas exactamente, outras con algunha modificación e hai algunhas que van nunha
sección e non na outra (para este aspecto concreto, véxase punto seis desta introducción).
Hai que mencionar tamén que, sen formar parte do manuscrito, pero dentro del,
atópase unha folla solta consistente nunha carta datada o 19-5-1869, enviada por Gassols
a Pintos na que lle pide a explicación do significado dunhas poucas palabras de A Gaita
gallega, en concreto das páxinas 140 e 149. Sobre o mesmo papel da carta Pintos escribe
o significado de tales palabras. Está escrito con urxencia e descoido, de aí as moitas
dificultades de lectura. En ocasións, completa parcialmente ou repite o que di desas
mesmas palabras no vocabulario. Non incluímos este pequeno repertorio porque
realmente non forma parte do diccionario en si.
2. Características do vocabulario. As entradas
Nas súas liñas fundamentais pódese definir esta obra como un vocabulario galego
coas equivalencias en castelán, coas entradas ordenadas alfabeticamente e non por
materias, criterio ó uso no século anterior, que vemos por exemplo en Sarmiento.
O plan xeral ten como elementos básicos dous: entrada
11