Prólogos das obras incluídas - SLI

1. Introducción
5
Vocabulario gallego castellanoporJuan Manuel Pintos
Contexto histórico-lingüístico
Edición ó coidado de
Marga Neira e Xesús Riveiro
A mediados do século XIX prodúcese un rexurdir dos valores tradicionais do
pobo galego. Intimamente relacionado con isto aparece o interese pola súa lingua, que
pasa a converterse nun dos estandartes sobranceiros dos seus sinais de identidade.
No plano das ideas lingüísticas, Xoán Manuel Pintos Villar (Pontevedra, 1811-
Vigo, 1876) pódese considerar como un continuador de Sarmiento, quen xa concibira a
tarefa de dota-lo idioma dos instrumentos básicos para o seu cultivo e aprendizaxe; e
eses instrumentos eran fundamentalmente gramáticas e diccionarios.
Agora ben, mentres Sarmiento tiña a pretensión de, en primeiro lugar, senta-las
bases e despois espalla-lo seu cultivo, Pintos, en cambio, dálle prioridade ó cultivo da
lingua falada e escrita e, a partir de aí, segundo a súa idea, daríase paso á elaboración dos
devanditos instrumentos. Así o manifesta na súa obra A gaita gallega, de 1853:
Mira rapaz, o linguage
non se compón de procesos
nin de folliñas escritas