Prólogos das obras incluídas - SLI

Cuveiro Piñol. Tamén recompila moitos lemas directamente da fala, e de obras literarias e doutros textos
escritos tanto contemporáneos como antigos. Recorre ademais a traballos especializados nun tema
concreto, como por exemplo na historia natural. No caso dos topónimos baséase fundamentalmente no
Diccionario geográfico-estadístico-histórico de Pascual Madoz.
O tipo de voces que presenta é bastante heteroxéneo. Inclúe léxico de diferentes épocas, tanto
moderno como arcaico, e abrangue desde o rexistro máis literario ó máis vulgar, evidenciando vacilacións
fonéticas características da fala. Reproduce tamén outro tipo de variantes das palabras, tanto
ortográficas como morfolóxi[14]cas ou dialectais. Dálle cabida ademais á fraseoloxía popular, e así recolle
algúns refráns e numerosas frases feitas e locucións características galegas.
Na mesma liña dos diccionarios anteriores, e continuando unha tradición xa iniciada en
Sarmiento, recolle moito léxico específico da flora e da fauna, que acompaña de definicións ás veces
dun elevado tecnicismo.
Por outra banda, ó lado dos nomes comúns dálles entrada a numerosos topónimos e antropónimos.
Estas entradas son características dos diccionarios enciclopédicos e, despois de Rodríguez, nin
Cuveiro nin Valladares lles deron cabida nos seus diccionarios. O diccionario de Porto Rey está polo
tanto a medio camiño entre un diccionario de lingua e un diccionario enciclopédico. Este carácter maniféstase
tamén no tipo de definicións, que ás veces non son estrictamente lingüísticas senón que proporcionan
datos de tipo ideolóxico e reflicten en moitas ocasións o sistema cultural galego.
18