Prólogos das obras incluídas - SLI

Aínda que as tres partes que presenta o manuscrito son máis ou menos sucesivas, nalgún
momento superpóñense. Nestes casos optamos por segui-la información da segunda parte xa que é a
máis coidada e ademais coincide co publicado no periódico Villagarcía-Carril. A partir de Aborrallar
coñecemos só as entradas da 3º parte e, polo tanto, é a que seguimos.
O carácter de borrador da maior parte do manuscrito e a diferente organización e distribución da
información que presentan as diferentes partes conservadas, levounos a realizar algunhas manipulacións:
Polo xeral Porto Rey estructuraba a información das súas entradas colocando despois do lema as
diferentes acepcións e deixaba para o final topónimos, biografías, frases e refráns, e etimoloxías, nesta
orde. Por ser esta a organización do esquema maioritario e corresponderse coa parte máis elaborada, ó
editar este manuscrito decidimos adoptar esta disposición para presenta-la información. Iso obrigounos
nalgúns momentos a trasladar algunha información de lugar. Por exemplo, no manuscrito na entrada
Agulla o autor introduce unha última acepción despois da expresión carne d’a agulla. O tipo de letra
indica que foi realizado nun momento posterior no [11] afán de amplia-la información. Ó autor non lle
quedaba máis remedio que aproveita-lo sitio que existía entre entrada e entrada, pero nós en casos como
este decidimos reestructuralo e situa-las expresións ó final:
11