Prólogos das obras incluídas - SLI

e do 89, polo que en total temos 117 folios. O C conta cun total de 251, o Ch ten 28, o D 114, o E 90, o
F 67, e o G 41. Do H só se conserva un folio que aparece numerado como o segundo. O I consta de 29
folios, o J de 19, o Ll de 3, o Ñ de 2, o U de 8, o V de 49, o X de 6, o Y de 2, e o Z de 10. Nesta terceira
parte as distintas acepcións sinálanse co símbolo =.
Nesta última parte hai algúns detalles que nos fan pensar que estamos ante un borrador. A pesar
de que hai entradas redactadas na súa totalidade, hai numerosos casos onde atopamos algunhas sen
definición, outras engadidas a posteriori ben sexa á marxe ben de xeito interlineal, e outras nas que se
len indicacións para seren completadas coa axuda doutras obras. Ademais hai moitas ocasións nas que
a desorde das entradas obrigou ó autor a numeralas ou a sinalar a través de liñas a nova situación, etc.
Na redacción o autor empregou maioritariamente tinta aínda que en ocasións atopamos algunhas
notas en lapis como por exemplo a entrada Azumara, que foi intercalada posteriormente.
En xeral o estado de conservación da obra é bo e soamente en casos moi puntuais foi imposible
recuperar algunha información.
4. A NOSA EDICIÓN
10