Prólogos das obras incluídas - SLI

A segunda parte contén as formas que van desde Ababo a Aborrallado, da. Formalmente está
constituída por trinta folios de papel branco escritos por só unha das caras. O primeiro dos folios está
paxinado co número 10 na marxe superior dereita e así sucesivamente ata o 40. Teñen un formato
esmerado e cada un deles presenta como cabeceira as tres letras iniciais da primeira entrada dese folio.
Faltan os numerados como 16 e 24. En lugar do folio dezaseis hai outro que debeu ser intercalado
porque recollía as formas que faltaban entre AbaiĿar e Abaixamento. Non presenta as mesmas características
dos anteriores, xa que debeu pertencer a unha redacción anterior cronoloxicamente: non
ten encabezamento nin as páxinas numeradas, a separación entre as definicións faise co símbolo =
fronte a esta parte onde se emprega un único trazo groso, e no seu comezo repite as últimas acepcións
do folio 15 con mínimas diferencias. A información perdida do folio 24 recuperámola gracias ó núm. 6,
con data de 17 de xuño de 1900, do periódico Villagarcía-Carril. Correspóndese cos artigos pertencentes
ás entradas Abasta, Abastador, ra, Abastamento, Abastar, Abastarse, Abastilla e Abastillado,
ra.
[10] A terceira parte está constituída por un total de 1058 folios de papel branco escritos só por
unha cara. Contén as entradas que van desde Abondar ata Zuzar, a última do diccionario. Estes folios
tamén presentan unha numeración na marxe superior dereita. Na letra A os folios comezan a paxinarse
a partir do número 13 ata o 234 (221 folios). No B numéranse os folios ata o 119, pero carecemos do 7
9