Prólogos das obras incluídas - SLI

No momento en que Porto Rey doou o seu manuscrito á Real Academia Galega, o 29 de maio de
1908, recolleuse no seu Boletín o feito de que a obra estaba incompleta:
“un voluminoso manuscrito, especie de Diccionario gallego casi completo 1 , de que es autor el propio donante” 2
Revisando o manuscrito comprobamos que as primeiras letras son as máis traballadas e que, pola
contra, a medida que avanza a obra rexistrámo-la carencia das entradas correspondentes a determinadas
letras como o l, m, n, o, p, q, r, s, t. Sen embargo, tamén faltan algúns folios intercalados, feito que só
pode ser explicado polo extravío nalgún momento da súa manipulación posterior.
O manuscrito do diccionario de Porto Rey presenta tres partes claramente diferenciadas, tanto
polas características do papel coma pola redacción que estas presentan:
A primeira parte componse de nove folios de papel cuadriculado escritos polas dúas caras, que na
presentación inicial deberon constituír un caderno de dez páxinas cosido con fío. Nesta parte dáseno-lo
nome da obra, a autoría, unha breve anticipación do contido, as abreviaturas e unhas advertencias sobre
a pronuncia, amais das entradas de A a Abaixador (das que só ata Abaixada presentan definición). No
seu comezo teñen unha disposición coidada pero cara ó final o tipo de letra xa non é tan uniforme e
chega mesmo a presentar algúns borróns. Neste primeiro grupo a separación entre as distintas
acepcións faise deixando un espacio en branco entre cada unha delas.
8
1. A cursiva é nosa.
2. BRAG 19, 140.