Prólogos das obras incluídas - SLI

Realizou tamén frecuentes incursións no mundo literario onde adoitaba asinar como Farruco
Porto Rey as súas obras. Dentro da súa producción literaria atopamos composicións poéticas –Las mil y
una composiciones e Pisto (1894), Papel e tinta (1901)–, novela –Fermosinda (1918)– e mesmo teatro
–A Tola de Sobrán (estreada no 1920, pero que non foi publicada ata 1927)–. Nas follas preliminares e
finais destas obras atopamos interesantes informacións sobre outros traballos. Por exemplo, [6] no folio
preliminar da edición de Fermosinda, do ano 1918, encontrámo-los seguintes datos:
“Obras en galego do mesmo autor: I Fermosinda (novela), II O Alalá (conversa treatal) 1 , III Rabudos e Rabelos
(versos), IV As Gadoupas do Cacique (novela), V Pra con lecer (contos), VI Tola rematada (novela), VII Dicionáreo
Castelán-Galego, VIII Sen tona (versos sanguiñentos), IX Cóxegas (contos pequenos), X Limigochas pezoñentas (do sofrir
labrego), XI Froallo (novela) e XII Lenzos (paisaxes d’a terra)”.
A súa actividade no mundo galego debeu ser cando menos de certa relevancia pois constatamos
que na Xunta Ordinaria de 29 de maio de 1908 da Real Academia Galega, e baixo a presidencia de
Manuel Murguía, Porto Rey é proposto como membro correspondente desta institución:
4
1. Estas dúas primeiras obras aparecen recollidas no apartado titulado Bibliografía da autoría de E. Carré Aldao que se publicaba
periodicamente no BRAG. En concreto, no nº 9 pódese ler: “El Eco de Arosa, publica en su folletín O Alalá, diálogo en
verso, en gallego, por J.Porto Rey”; e no nº 141 “PORTO REY (Francisco).—Fermosinda, novela de costumbres gallegas y
escrita en gallego. Arousa, 1918.”