Prólogos das obras incluídas - SLI

5. Criterios desta edición
Esta edición non pretende máis ca presenta-la obra de Valladares tal como el a deixou.
Así e todo cambiaranse algunhas cousas do manuscrito para mante-los criterios do seu diccionario
impreso, que representan o seu verdadeiro desexo 1 .
O castelán dos artigos vai ser actualizado, tanto na acentuación como na puntuación e
na ortografía. No mesmo Valladares se manifestan as vacilacións sobre todo no uso de g e j:
ajeno (na entrada manipular), agenos (en intresar), sugetos en sénllos, e gefe en maestrescòla,
grangería en parcèiría... Non son estas as únicas “faltas” de ortografía do castelán: na entrada
manguèla aparece ejambre, e elecho en papallóns, emicranea en pèdra d’as sèns, e ardiz
varias veces. Ningunha delas era forma admitida no Diccionario da Real Academia 2 .
61
1. Tamén no diccionario impreso hai incoherencias, por exemplo, despois de V., unhas veces temos
maiúscula e outras minúscula: pútiga e puza.
2. Entre os libros do escritorio da casa dze Vilancosta atopamos un Prontuario de ortografía de la
lengua española en preguntas y respuestas, Trigesimoprimera edición. Madrid, Espasa-Calpe. Pero
trátase dunha edición bastante antiga: 1835.