Prólogos das obras incluídas - SLI

Por outra banda, e seguindo unha característica propia da lexicografía do momento,
non se separan as palabras segundo a súa etimoloxía, senón segundo a súa forma. Así palabras
como nòto presentan tres acepcións, pero en realidade trátase de tres palabras distintas, que
terían que ir separadas: a) “Notorio, o sabido de todos”, (do latín notus, participio pasado de
noscere, conocer); b) “Bastardo, ilegítimo” (do latín nothus e este do grego νẃθος; c) “Viento
de mediodía” (do latín notus e este do grego νẃτος. Do mesmo xeito trastear, arquear, manchar...
Cómpre destaca-la débeda que ten o manuscrito co DRAE tamén neste tema: moitas
das separacións de acepcións coinciden exactamente co castelán, e mesmo moitas definicións
(como se ven comprobando) son case idénticas: patrujo, indispoñer, influènza... 1
É frecuente que Valladares omita a enumeración das distintas acepcións dunha palabra,
sobre todo cando son moitas, cunha simple remisión ó castelán (aínda que non remite a ningún
diccionario): intrés. “Interés, provecho, utilidad, ganancia y demás acepciones castellanas”.
60
1. Na 10ª edición do DRAE mantíñanse as correspondencias latinas das formas polo que era
posible distinguir se eran palabras distintas ou non. Na 11ª edición, ó se eliminaren estas correspondencias,
varias palabras reducíanse a unha única.