Prólogos das obras incluídas - SLI

Outra definición que se sae do corrente no manuscrito é a de rèiseñór de paredes, tanto
polo seu tamaño, como pola súa redacción case literaria. Por outra banda, algúns dos lemas
que se definen son propios dunha enciclopedia, pero non dun diccionario: lupa na segunda
acepción (“Señora poderosa y principal, a quien en Galicia, se presentaron los discípulos del
Santo Apóstol Santiago”).
A miúdo Valladares ofrece datos innecesarios para unha definición lexicográfica, que
fan esta máis subxectiva pero máis completa: papallóns: papallós. “[...] y comen luego con
tenedorcillos de helecho generalmente”; jarga: “[...] Tienen varias y les sirven para cubrir los
odres, o pellejos de vino que llevan en sus caballerías”; ou jargón: “[...] Hoy se van generalizando
ya los metálicos o de muelles”.
O elemento máis frecuente da definición é, sen dúbida, a equivalencia en castelán,
aínda que é moi raro que apareza ela soa (trabadura. “Mordedura”). Frecuentemente, vén
acompañada esta equivalencia de varios sinónimos (albendar. “Alentar, reanimar, confortar,
fortalecer”). A miúdo non se remata a seriación, deixando a porta aberta a un número maior de
sinónimos, mediante o símbolo &. Son posibles ata sete sinónimos nunha mesma palabra: suripanta
(mullèr). “Mujer salerosa, donairosa, que tiene mucha sandunga, sal o salero, aire, gracia,
garbo, donaire &”.
50