Prólogos das obras incluídas - SLI

Unha das cousas que máis chama a atención é o caso de palabras das que o autor non
sabe o significado. Nuns casos non o dá ou pono entre interrogantes, como ocorre moitas veces
no apéndice final: escoléta, enlizo, constringer. E outras veces invéntao. É o caso de huxón, no
que textualmente di “echándonos a discurrir”. Nalgunhas ocasións trata de deducilo. E
noutros, confesa sincera e simplemente, que non foi capaz de sabelo: gazapita. “Voz aplicada a
no sabemos que hierba, por más que tratamos de averiguarlo”. Hai unha voz que lle causou
grandes problemas: chumbèira e que aparece citada en varias definicións.
Algunhas definicións son certamente inxenuas: tenèfano. “(...) una cosa parecida al
telegrafo con la diferencia de que el teléfono trasmite y reproduce el lenguaje humano y el
telegrafo no” 1 ; e òso-molar. “Cartílago, ternilla, o parte de animal más dura que carne y más
blanda que hueso”. Desde a perspectiva actual tamén destaca a definición de leutricidá:ade,
sen embargo está feita a partir da definición do DRAE.
49
1. Esta palabra designa un concepto moi novo: o teléfono foi inventado no ano 1888.