Prólogos das obras incluídas - SLI

Ó lado de todas estas simplificacións e reduccións, propias da lingua falada ofrécense
tres mostras dun aparentado cultismo: sciència, cabsa, vibda. Así mesmo, en tres casos
pérdese estrañamente unha consoante intervocálica que nunca cae: lau, estáu e fáula por lado,
estado e fábula.
4. Microestructura do suplemento
Dentro de cada definición amósanse unha serie de puntos que forman parte da microestructura
dun diccionario. Neste caso, coma nos diccionarios do século pasado e de principios
deste, non son sistemáticos.
4.1. A definición
Un dato fundamental á hora de estudia-la definición é o feito de estar ante un diccionario
bilingüe non convencional. Trátase dunha forma híbrida. Un diccionario bilingüe dá unha
equivalencia, e ás veces, varios sinónimos. Valladares, ademais disto, engade unha perífrase
descritiva, coma nun diccionario normal.
48