Prólogos das obras incluídas - SLI

-semánticas: en agra e puntèiro. No primeiro caso trátase dun complemento ó significado
dado: “mejorando lo dicho en el Diccionario...” O segundo corríxese equivocadamente,
pois o significado exacto de punteiro é o do diccionario impreso (“Puntero, o caña, de la gaita
gallega con sus agujeros para los dedos”) e non o que agora lle dá no manuscrito (“Tubo de la
gaita gallega que, metido en la boca del gaitero, lleva el aire al fuelle”) que sería o soprete.
Neste sistema de remisións Valladares reflicte as vacilacións vocálicas propias dunha
lingua falada, e maila fluctuación ortográfica inherente a un idioma sen fixar e que practicamente
non se escribe. Tamén rexistra algunhas características dialectais propias coma o seseo
implosivo (cativés, cativéz, pelèzcas, pelèscas), e mesmo algún caso de seseo explosivo:
fousaña (fronte a fouzaña).
3.5. Entradas de dous lemas
O capítulo anterior hai que pólo en paralelo co caso de entradas con dous lemas (separadas
por dous puntos), por exemplo: palacra: palacrana, mougar: moular. Hai incluso, casos
de entradas con tres lemas: lámpaa: lámpada: lámpra.
38