Prólogos das obras incluídas - SLI

Así e todo, os termos coincidentes co castelán sofren certa selección antes de entrar no
manuscrito, por exemplo no terreo dos numerais das decenas (de dez a cen). No manuscrito
rexístranse as formas sasenta e satenta. No diccionario impreso recolle as formas correspondentes
a 20, 30, 40 e 80 pero non as de 50, 60, 70 e 90. Os catro primeiros son diferentes do
castelán (por iso os recolle no diccionario) fronte ós catro segundos, que son iguais ó castelán.
Só recolle 60 e 70 cando atopa unha variante galega distinta do castelán.
3.4. Remisións de lemas
Este título refírese a lemas que remiten a outros, ou para coñece-lo seu significado ou
para completa-lo que xa aparecía na definición. Cómpre lembrar que a redacción do
manuscrito fíxose en varios apéndices, elaborados na mesma orde da presentación. Isto traerá
como consecuencia palabras que remiten a outras posteriores, por razóns de alfabetización,
pero rexistradas anteriormente no tempo 1 . Así pajèl remite a pajèlos que, alfabeticamente é
posterior pero, sen embargo, foi rexistrada primeiro.
35
1. Nestes casos haberá que fixarse no número que aparece ó final de cada entrada que sitúa cada
palabra no seu apéndice.