Prólogos das obras incluídas - SLI

A reducción do paradigma de calquera palabra faise por convención a unha forma, o
lema, representante de tódalas variantes desa palabra. Sen embargo, esta regra rómpese a
miúdo na lexicografía do século pasado. Tamén a rompe Valladares no manuscrito ofrecendo
exemplos de antropónimos, femininos, plurais, diminutivos...
En canto ós antropónimos, Valladares presenta non só nomes de persoas senón tamén
apelidos: Áres e Árias, Buján, Vilar... A súa inclusión pode estar motivada por tratarse de formas
non coincidentes co castelán (moitos deles formas recuperadas da Idade Media 1 ): Giral,
Afón, Lòis, ou por ser variantes fonéticas dunha forma máis común: Lionòr, Mília, Bartelemèu...
Rexístrase un único caso dun topónimo (Támere), e varios nomes de santos.
A maioría dos diminutivos que aparecen non están lexicalizados: dondiño, òvíño,
codiña... Nalgúns casos xustifícase a súa presencia polo afecto que representa: arrepouliño,
mèijòlíña, riquiño... 2
32
1. Así, por exemplo Beringuèla e Padèrna localízanse na Colección Diplomática de Galicia
Histórica, nas páxinas 270 e 227, respectivamente.
2. Un bo exemplo desta inclusión de diminutivos é o xogo que Valladares fai entre pinga, pingòla,
pingòta, pingòlíña e pingòtíña.