Prólogos das obras incluídas - SLI

As únicas edicións das coplas, anteriores á morte de Valladares son a de Pintos,
Recolección de muchas palabras, voces y frases gallegas, publicada en Pontevedra en 1859, e
outra titulada Coloquio de los 24 rústicos, editada en Lugo en 1899. Esta última é demasiado
tardía, para ser base do manuscrito rematado en torno ó 1896. En canto á edición de J. M. Pintos,
as diferencias impiden pensar que esta fose a fonte de Valladares. Por exemplo, na copla
531, a mesma palabra que Valladares está exemplificando non coincide, moqueiros//mouquelos:
25
“Na cabeza tiñan “N’a cabeza tiñan
huns como moqueiros uns como mouquelos,
con muitos bidriños con muitos vidriños,
seic’que eran espellos!” (Pintos) sèic’eran espellos. (Valladares)
Quedan outras alternativas como fonte das citas: os manuscritos existentes das coplas.
Son tres:
-Manuscrito da Biblioteca Nacional de Madrid, 1789, feito por Pedro Francisco Dávila,
(o que fora consultado por Cuveiro)