Prólogos das obras incluídas - SLI

Como se comprobou ó describi-lo último apéndice Más voces, estas proceden sobre
todo da revista Galicia Histórica e máis ca nada da súa Colección Diplomática. Pero tamén no
resto do manuscrito hai outras palabras que son manifestamente medievais aínda que non se
coñeza a orixe 1 . Non puido ser a Colección Diplomática, xa que esta comezou a publicarse no
1901.
2.5.4. Frei Martín Sarmiento e J. Cuveiro
A importancia destes dous nomes reside no feito de tratarse de fontes do manuscrito,
pero non do diccionario. No caso de Sarmiento é improbable que Valladares non coñecese
antes a súa obra, aínda que non tivese acceso directo ós manuscritos. Os dous diccionaristas
anteriores a Valladares 2 confesan nos prólogos das súas obras que acudiron a este autor para
aumenta-lo número de palabras recollidas 3 . No manuscrito rexístranse seis lemas aboados de
Sarmiento e outros que, aínda tendo a súa orixe en Sarmiento, Valladares recolle a través
doutros medios (fundamentalmente Cuveiro).
23
1. Por exemplo en fillar fala dun documento antiguo sen especificar máis.
2. F. X. Rodríguez e J. Cuveiro.