Prólogos das obras incluídas - SLI

Só en dous casos don Marcial cita a obra da que sacou os exemplos: laròtas no Catecismo
do Labrego e colíga “en el canto primero del poema Andeiro 1 ”. No resto dos casos
indica unicamente o autor. Xeralmente, pódese deduci-la obra a partir do ano de publicación.
Por exemplo Noriega Varela publicou varias obras, pero só unha antes da data coa que asina
Valladares o manuscrito, 1896; neste caso, mesmo antes da morte do lexicógrafo (1902). Esta
obra é De ruada do ano 1895. Polo tanto èngoas, estèla e degrèsár poden ser palabras tomadas
da mesma. Pode ocorrer que, aínda que non haxa ningunha obra publicada do autor en
cuestión, este colaborara coa prensa local ou rexional, da que Valladares puido saca-los exemplos.
Así, Valcarce Ocampo non ten editada ningunha obra en galego, pero si colaboracións en
diversas revistas rexionais. Do mesmo xeito, R. Pesqueira Crespo colabora fundamentalmente
no Tío Marcos da Portela. Outros autores teñen toda a súa producción anterior á finalización
dos dous manuscritos, polo que é imposible saber cal é a obra orixe da cita (García Ferreiro:
Volvoretas, 1887, Chorimas, 1890, Follas de papel, 1892, Leenda de groria, 1891; ou Pérez
Ballesteros que publica toda a súa obra en galego antes do 1900).
21
1. Véxase a nota 13.