Prólogos das obras incluídas - SLI

Outra posibilidade para datar este traballo estaba nas obras das que proceden os exemplos
1 . Ofrecen, sen embargo, unha axuda relativa: todos eles pertencen a obras moi próximas ó
propio manuscrito e ningunha con datas posteriores a 1896. Algunhas destas obras son: Volvoretas
(1887), Chorimas (1890), Leenda de groria (1891) e Follas de papel (1892) de Alberto
García Ferreiro, Balsamo de Fierabrás (1889) de Enrique Labarta, Andeiro (1922) de Martelo
Paumán 2 , O Catecismo do labrego (1888) de Lamas Carvajal, Aires da miña terra (1880) de
Curros Enríquez, etc. 3
12
1. Nalgúns casos non se puido localizar información nin do autor nin da súa obra (J.B. Montero e
Estebo de Paleo).
2. A obra Andeiro, Poema histórico da Unión Ibérica (s. XIV), de Martelo Paumán, foi publicada
no 1922, na Coruña, polo tanto Valladares non puido consultar esta edición. Como non hai noticia
de que houbese unha edición anterior, Valladares tivo que consulta-la obra no manuscrito orixinal,
ou polo menos o primeiro dos seis cantos que a compón “O castro de Asperón”. Á mesma obra
pertence o exemplo de alarbèa, que foi introducido posteriormente na primeira parte do suplemento.
3. O sistema de busca destes exemplos baseouse na totalidade dos textos que se concordaron no
proxecto Base de Datos para un Diccionario Galego, que se leva adiante no ILG baixo a dirección
do profesor Antón Santamarina.