Prólogos das obras incluídas - SLI

3
2. O manuscrito
2.1. Noticia e localización
A noticia e a obtención do manuscrito débese ó profesor Antón Santamarina, que soubo
del a través de Filgueira Valverde, daquela presidente do Consello da Cultura Galega.
Na actualidade o manuscrito pertence á familia de D. Carlos Ferreirós Espinosa, aínda
que despois da súa morte1 , descoñécese onde se atopa. O manuscrito formaba parte, como
herdo, do Casal de Vilancosta, onde Marcial Valladares viviu coa súa irmá Avelina. Como os
dous permaneceron solteiros, a casa de Vilancosta con tódalas súas pertenzas pasou a un
sobriño, Laurentino (fillo de Luísa Valladares). Carlos Ferreirós Espinosa era un dos seus netos
(bisneto de Luísa Valladares), entre os que se sorteou Vilancosta.
2.2. Características
Este novo suplemento ó Diccionario está constituído por dúas partes: un caderno
tamaño cuartilla con liñas marcadas polo mesmo autor, e cunhas delgadas tapas azuis; e mais
unhas follas soltas tamaño folio, de papel groso que podemos dicir que constitúen unha
1. Abril de 1996.