LA PRINSE PETI par Antoine Saint-Exupéry - Wikia

E me ia replica:"Ave ala un caxa. La ovea cual tu desira es a la interna."Ma me ia es multe surprendeda par vide la fas de me judor joven lumina:"El es esata como acel cual me ia vole! Tu crede ce esta ovea va nesesa multe erba?""Per ce?""Car do me abita, es vera peti…""Va sufisi serta. Me ia dona a tu un ovea vera peti."El ia apoia se testa a la desinia:"No tan peti… A! El ia adormi…"E esta ia es la modo en cual me ia comensa conose la prinse peti.Capitol 3Me ia nesesa multe tempo per comprende de do el ia veni. La prinse peti, ci ia fa multedemandas a me, ia pare nunca oia los de me. Es par parolas acaso pronunsiada ce tota ia esgradal revelada a me. Tal, cuando el ia vide me avion a la ves prima (me no va desinia meavion, esta es un desinia multe tro complicada per me), el ia demanda a me:"Ce es acel cosa?""El no es un cosa. El vola. El es un avion. El es me avion."E me ia es orgulos de informa el ce me vola. Alora el ia esclama:"Ce? Tu ia cade de la sielo?""Si," me ia dise modesta."A! Divertinte…"E la prinse peti ia fa subita un rie vera bela, cual ia irita multe me. Me desira ce on trata seriame mal fortunas. Alora el ia ajunta:"Donce, tu veni ance de la sielo! Tu es de cual planeta?"Direta, me ia persepi un lus minor en la misterio de se presentia, e me ia demanda subita:"Donce tu veni de un otra planeta?"Ma el no ia responde a me. El ia nega dulse con se testa, regardante me avion:"Es vera ce tu no pote veni de multe distante par acel…"6

Basin ScaleFluvial Geomorphic ProvincesBraided Bottoms – 5 segmentsCanyons and Restricted Bottoms – 17 segmentsMeandering Bottoms – 3 segmentsBase is shaded relief of National ElevationDataset 200-m resolution (USGS, 2005)

Capitol 8Multe rapida, me ia aprende conose plu bon esta flor. Sempre, sur la planeta de la prinse peti,ia ave flores vera simple, ornada par un linia solitar de petales. Los ia ocupa no loca, e iadisturba nun. Los ia apare a un matina en la erba, e ia diminui alora a la sera. Ma esta flor iajerme a un dia, de un seme traeda de nun-sabe-do, e la prinse peti ia oserva multe atendos estajerme cual no ia sembla la otra jermes. El ia pote es un spesie nova de baobab. Ma la arboreta iasesa rapida crese, e ia comensa prepara un flor. La prinse peti, ci ia regarda la establi de unbroto enorme, ia senti vera ce un apare miraclos va sorti de el, ma la flor ia es belinte se en unmodo nonsesante, protejeda en se sala verde. La flor ia eleje atendos se colores. El ia vesti lentase, ia ajusta se petales, la un pos la otra. El no ia vole sorti multe pliada como la papaveras. Elno ia vole apare sin se belia plen radiante. Si, vera! El ia es multe bonvestida! Se preparamisterios ia dura tra dias e dias. E subita a un matina, esata a la ora de la leva de sol, el ia mostrase.15

E la flor, ci ia labora ja tan atendos, ia dise baliante:"A! Me es apena veliada… Pardona me… Me es ancora vera despetenida…"Alora la prinse peti no ia susede asconde se amira:"Tu es tan bela!""Vera, no?" la flor ia responde dulse. "E me ia nase a la mesma tempo como la sol…"La prinse peti ia divina bon ce la flor no es multe umil, ma el ia es tan encantante!"Me crede ce aora es la ora de come de matina," la flor ia ajunta pronto. "Tu ta cura me, perfavore…?"E la prinse peti, intera confusada, ia prende un carafon de acua fresca e ia servi la flor.Tal, sin multe retarda, la flor ia tormenta el par se egosia alga ofendable. A un dia, peresemplo, parlante de se cuatro spinas, el ia dise a la prinse peti:"Tigres pote veni, con se garas!""Ave no tigres sur me planeta," la prinse peti ia oposa, "e, plu, tigres no come la erba.""Me no es un erba," la flor ia responde dulse."Pardona me…""Me vera no teme tigres, ma me odia corentes de aira. Tu no ta ave un paraventa per me?"16

Me crede ce el ia fuji par usa de un migra de avias savaje. A la matina de parti, el ia ordinabon se planeta. El ia limpi zelos se volcanes ativa. El ia posese du volcanes ativa. E los ia esvera usos per caldi la come de matina. El ia posese ance un volcan estinguida. Ma, como el dise,"on sabe nunca!" Donce el ia limpi ance la volcan estinguida. Si los es bon limpida, la volcanesarde lenta e periodal, sin erutas. Erutas de volcan es como focos de ximineria. Evidente, sur nostera, nos es multe tro peti per limpi nos volcanes. Per esta razona los causa un monton deproblemes per nos.La prinse peti ia estrae ance, alga triste, la brotos final de baobabes. El ia crede ce el vareveni nunca. Ma a acel matina, tota esta laboras abitual ia pare estrema dulse a el. E, cuando elia duxi la flor a la ves ultima, e ia prepara covre el con la vitro, el ia descovre ce el senti ploros.19

"Adio," el ia dise a la flor.Ma la flor no ia responde."Adio," el ia repete.La flor ia tose. Ma no par causa de se cataro."Me ia es stupida," la flor ia dise final a el. "Pardona me. Atenta es felis."La prinse ia es surprendeda ce la flor no reproxa el. El ia resta sin move, vera confusada,teninte la vitro. El no ia comprende esta dulsia calma."Si, si, me ama tu," la flor ia dise. "Tu no ia sabe esta, par me culpa. Acel no importa. Ma tuia es tan stupida como me. Atenta es felis... Pone la vitro a lado. Me no desira plu el.""Ma la venta...""Me no ave tan multe cataro... La aira fresca de la note va es bon per me. Me es un flor.""Ma la animales...""Me nesesa tolera du o tre erugas si me desira conose la papilios. On dise ce los es tan bela.Si no, ci va visita me? Tu mesma va es distante. Consernante la animales grande, me no teme.Me ave me garas."E el ia mostra naive se cuatro spinas. A pos el ia ajunta:"No pospone plu. Acel es iritante. Tu ia deside ja parti. Vade a via."Car el no ia vole ce la prinse vide el plora. El ia es un flor tan orgulos...20

Capitol 10El ia trova se en la area de la asteroides 325, 326, 327, 328, 329, e 330. Donce el ia comensapar visita los per xerca un ocupa e per instrui se.La prima ia es abitada par un re. La re ia senta, vestida en carmesi e ermino, sur un trono verasimple, e glorios, an tal."A! Ave ala un sujeto!" la re ia esclama cuando el ia vide la prinse peti.E la prinse peti ia demanda se:"Como el pote reconose me si el ia vide nunca me?"El no ia sabe ce, per la res, la mundo es multe simplida. Tota persones es sujetos."Prosimi afin me vide plu bon tu," la re ia dise a el, multe orgulos car el ia es final la re dealgun.La prinse peti ia usa se oios per xerca do el debe senta, ma la planeta ia es completa covredapar la capa bela de ermino. Donce el ia resta stante, e car el ia es fatigada, el ia balia."Balia ante un re es contra la cortesia," dise la monarca. "Me proibi el a tu.""Me no pote evita el," la prinse peti ia responde, vera confusada. "Me ia fa un viaja longa eme no ia dormi...""Donce," la re ia dise, "me comanda ce tu balia. Per anios, me ia vide nun balia. La balias esinteresante per me. Vade, balia denova! Acel es un comanda.""Esta fa me teme... me no pote plu..." la prinse peti ia dise, plen rojinte."Hm! Hm!" la re ia responde. "Donce me... me comanda aora ce tu balia aora, e alora cetu ..."El ia balbuta alga e ia pare frustrada.Car la re ia desira xef ce on respeta se autoria. El no ia tolera la desobedi. El ia es un monarcaasoluta. Ma car el ia es multe bon, el ia fa comandas saja."Si me ta comanda," el ia dise frecuente, "si me ta comanda un jeneral muta se a un avia demar, e si la jeneral no ta obedi, la jeneral no ta es culpable. Me ta es culpable.""Me pote senta?" la prinse peti ia demanda timida."Me comanda ce tu senta," la re ia responde, e ia retira glorios un faldon de se capa deermino.Ma la prinse peti ia mervelia. La planeta ia es pico. Vera, supra ce la re ia pote rena?"Tu Altia," el ia dise, "... pardona ce me demanda tu...""Me comanda ce tu demanda me," la re ia dise rapida."Tu Altia... supra ce tu rena?""Supra tota," la re ia responde, con un simplia grande.21

"Supra tota?"Par un jesti discrete, la re ia mostra se planeta, la otra planetas, e la stelas."Supra tota de acel?" la prinse peti ia dise."Supra tota de acel..." la re ia responde.Car el ia es no sola un monarca asoluta, ma el ia es ance un monarca universal."E esce la stelas obedi tu?""Natural," la re ia dise. "Los obedi direta. Me no tolera la desobedi."Tal autoria ia stona la prinse peti. Si el se mesma ta posese tal potia, el ta pote regarda, en undia solitar, no cuatrodes-cuatro reposas de sol, ma setedes-du, o an sento, o an dusento, sinnesesa tira se seja! E car el ia senti alga triste pos recorda se planeta peti abandonada, el ia corajise per demanda un favore de la re:"Me vole vide un reposa de sol... Dona a me la plaser... Comanda ce la sol reposa...""Si me ta comanda un jeneral vola de un flor a un otra en la modo de un papilio, o scrive untrajedia, o muta se en un avia de mar, e si la jeneral no ta esecuta la comanda resetada, donce cita es la erante — me o el?""Ta es tu," la prinse peti ia dise firma."Coreta. On debe esije de cadun la cosa cual el pote dona," la re ia ajunta. "La autoria reposaprima sur la sajia. Si on comanda se popla vade lansa se en la mar, el va revolta. Me ave ladireto de esije la obedi, car me comandas es saja.""E me reposa de sol?" la prinse peti ia fa recorda, car el ia oblida nunca un demanda pos fa el."Tu reposa de sol, tu va ave el. Me va esije el. Ma, con me sabes de governa, me va espetaasta cuando la situa es favorente.""Cuando esta va aveni?" la prinse peti ia demanda."Hm! Hm!" la re ia responde a el, pos consulta un calendario grande. "Hm! Hm! Esta vaaveni, sirca... sirca... esta va aveni a cuatrodes pos sete a esta sera! E tu va vide ce me es tan bonobedida."La prinse peti ia balia. El ia regrete la manca de se reposa de sol. E, plu, el ia es ja pocanoiada:"Me ave no plu cosas per fa asi," el ia dise a la re. "Me va revade a via!""No parti," la re responde, ci ia es tan orgulos de ave un sujeto. "No parti: me fa tu es unministro!""Un ministro de ce?""De... de la justia!""Ma ave nun per judi!""On no sabe," la re ia dise. "Ancora me no ia viaja sirca me rena. Me es multe vea, me no aveun loca per un caro, e la pasea fatiga me.""O! Ma me ia vide ja," la prinse peti ia dise, ci ia inclina se per regarda denova la otra lado dela planeta. "Ave nun, ance ala...""Donce tu va judi tu mesma," la re ia responde. "Esta es la plu difisil. Judi se mesma es multemin fasil ce judi un otra. Si tu va susede judi bon tu mesma, esta va sinifia ce tu es un personvera saja.""Me," la prinse peti ia dise, "pote judi me mesma a cualce loca. Me no nesesa abita asi.""Hm! Hm!" la re ia dise. "Vera, me crede ce ave un rata vea a alga loca sur me planeta. Meoia el a note. Tu va pote judi esta rata vea. Tu va condena el a mori, de tempo a tempo. En estamodo, se vive va depende de tu justia. Ma, a cada ves, tu va pardona la rata per salva el. Ave noplu ce un.""Me," la prinse peti ia responde, "no gusta condena a mori, e me crede vera ce me va partidireta.""No," la re ia dise.Ma la prinse peti, pos fini se preparas, no ia vole tristi la monarca vea:"Si tu Altia ta vole es puntual obedida, el ta pote dona a me un comanda saja. Per esemplo, elta pote comanda ce me parti ante la pasa de un minuto. Pare a me ce la situa es favorente..."Car la re no ia responde, la prinse peti ia esita prima; alora, con un suspira, el ia vade a via..."Me fa tu es me ambasador," la re ia cria alora, rapida.El ia ave un aspeta de autoria grande.22

"La persones grande es vera strana," la prinse peti ia dise a se mesma, viajante.23

Capitol 11La planeta du ia es abitada par un egos:"A! A! Ave la visita de un amiror!" la egos ia esclama de distante, direta cuando el ia vide laprinse peti.Car, per la egoses, la otra persones es amirores."Bon dia," la prinse peti ia dise. "Tu ave un xapo strana.""El es per saluta," la egos ia dise. "El es per saluta cuando on aclama me. Regretable,persones veni nunca asi.""Vera?" la prinse peti ia dise sin comprende."Bate tu manos la un contra la otra," la egos ia consela alora.La prinse peti ia bate se manos la un contra la otra. La egos ia saluta umil par leva de se xapo."Esta es plu divertinte ce la visita a la re," la prinse peti ia dise a se. E el ia recomensa bate semanos la un contra la otra. La egos ia recomensa saluta par leva de se xapo.Pos sinco minutos de eserse, la monotonia de la jua ia fatiga la prinse peti:"E, per cade la xapo," el ia demanda, "ce on debe fa?"Ma la egos no ia oia el. La egoses oia sempre sola la lodas."Esce tu amira vera multe me?" el ia demanda a la prinse peti."Ce es la sinifia de 'amira'?""'Amira' sinifia reconose ce me es la om la plu bela, la plu bon vestida, la plu rica, e la pluintelijente sur la planeta.""Ma tu es solitar sur tu planeta!""Dona a me esta plaser. Amira me an tal!""Me amira tu," la prinse peti ia dise, levante alga se spalas, "ma como esta pote interesa tu?"E la prinse peti ia vade a via."La persones grande es serta multe bizara," el ia dise simple a se, viajante.24

Capitol 12La planeta seguente ia es abitada par un bevor. Esta visita ia es vera corta, ma el ia afonda laprinse peti en un tristia grande:"Ce tu fa asi?" el ia dise a la bevor, trovante ce esta senta en silentia ante un colie de botelasvacua e un colie de botelas plen."Me bevi," la bevor ia responde, con un manera sombre."Per ce tu bevi?" la prinse peti ia demanda a el."Per oblida," la bevor ia responde."Per oblida ce?" la prinse peti ia vole sabe, ja compatinte el."Per oblida ce me vergonia," la bevor ia confesa, inclinante se testa."Tu vergonia per ce?" la prinse peti ia demanda, desirante aida el."Me vergonia car me bevi!" la bevor ia completi, ascondente se en un silentia permanente.E la prinse peti ia vade a via, confusada."La persones grande es serta multe multe bizara," el ia dise a se, viajante.25

Capitol 13La planeta cuatro ia es acel de la comersior. Esta om ia es tan ocupada ce el no ia leva an setesta a la ariva de la prinse peti."Bon dia," la prinse ia dise a el. "Tu sigareta es estinguida.""Tre e du es sinco. Sinco e sete, des-du. Des-du e tre, des-sinco. Bon dia. Des-sinco e sete,dudes-du. Dudes-du e ses, dudes-oto. No tempo per reensende el. Dudes-ses e sinco, tredes-un.Fu! Donce la soma es sincosento-un milion sessento-dudes-du mil setesento-tredes-un.""Sincosento miliones de ce?""Como? Tu es ancora asi? Sincosento miliones de... me no sabe plu... Me ave tan multelabora! Me es seria, me no diverti me con cosas trivial! Du e sinco, sete...""Sincosento miliones de ce?" la prinse peti ia repete, car el ia abandona nunca en se vive undemanda pos fa el.La comersior ia leva se testa:"En sincodes-cuatro anios de me abita sur esta planeta, me ia es disturbada a sola tre veses.La ves prima ia es ante dudes-du anios, par un scarabe de maio cual ia cade de Dio-sabe-do. Elia produi un ruido asustante, e me ia fa cuatro eras en un soma. La ves du ia es ante des-un aniospar un crise de reumatisme. Me no eserse me corpo. Me no ave la tempo per vaga. Me es seria.La ves tre... es esta! Donce me ia dise sincosento-un milion...""Miliones de ce?"La comersior ia comprende ce ia ave no espera de pas:"Miliones de acel cosas peti cual on vide a veses en la sielo.""Moscas?""No. Cosas peti cual brilia.""Abeas?""No. Cosas peti oro, cual fa la persones pigra fantasia. Ma me es seria! Me no ave la tempoper fantasia.""A! Stelas?""Si, coreta. Stelas.""E ce tu fa con sincosento milion stelas?""Sincosento-un milion sessento-dudes-du mil setesento-tredes-un. Me es seria, me es esata.""Ce tu fa con esta stelas?""Ce me fa con los?""Si.""No cosa. Me posese los.""Tu posese la stelas?"26

"Si.""Ma me ia vide ja un re ci...""La res no posese cosas. Los renasupra los. Es vera diferente.""E como tu posese de la stelas aida tu?""El aida me es rica.""E como tu ricia aida tu?""Per compra otra stelas, si algun trova alga.""Esta person," la prinse peti ia dise a se, "razona alga simil a me ebra."An tal, el ia fa plu demandas:"Como on pote posese la stelas?""Los parteni a ci?" la comersior ia replica roncos."Me no sabe. A nun.""Donce los parteni a me, car me es la prima ci ia pensa de los.""Acel sufisi?""Natural. Cuando tu trova un diamante cual parteni a nun, el parteni a tu. Cuando tu trova unisola cual parteni a nun, el parteni a tu. Cuando tu es la prima ci ave un idea, tu patenta el: elparteni a tu. E me posese la stelas, car nun ante me ia imajina posese los.""Esta es vera," la prinse peti ia dise. "E ce tu fa con los?""Me maneja los. Me conta e reconta los," la comersior ia dise. "No es fasil. Ma me es un omseria!"La prinse peti ia es ancora nonsasiada."Si me posese un scarfa, me pote pone el sirca me colo e porta el con me. Si me posese unflor, me pote prende me flor e porta el con me. Ma tu no pote prende la stelas!""No, ma me pote pone los en un banco.""Ce es la sinifia de acel?""La sinifia es ce me scrive sur un paper peti la cuantia de me stelas. E a pos, me clui par claveacel paper en un caxeta.""E acel es tota?""Acel sufisi!""Es divertinte," la prinse peti pensa. "Es alga poesial. Ma no es multe seria."Sur la cosas seria, la prinse peti ia ave ideas vera diferente de la ideas de la persones grande."Me," el ia dise plu, "me posese un flor cual me duxi a cada dia. Me posese tre volcanes cualme limpi a cada semana. Car me limpi ance acel cual es estinguida. On sabe nunca. Es usos ame volcanes, e es usos a me flor, ce me posese los. Ma tu no es usos a la stelas..."La comersior ia abri se boca ma ia trova no cosa per dise, e la prinse peti ia parti."La persones grande es serta estrema estracomun," el ia dise simple a se, viajante.27

Capitol 14La planeta sinco ia es multe nonusual. El ia es la plu peti de totas. Ia ave ala apena un spasiosufisinte per un lampa de strada e un ensendor. La prinse peti no ia susede esplica a se per ce unlampa e un ensendor esiste a alga loca en la sielo sur un planeta sin casa e popla. An tal, el iadise a se:"Cisa esta om es asurda. An tal, el es min asurda ce la re, ce la egos, ce la comersior, e ce labevor. A la min se labora ave un sensa. Cuando el ensende se lampa, es como si el apare unstela nova, o un flor. Cuando el estingui se lampa, esta adormi la flor o la stela. Esta es un ocupamulte bela. El es vera usos, car el es bela."Cuando el ia ariva sur la planeta, el ia saluta respetos la ensendor:"Bon dia. Per ce tu ia estingui aora tu lampa?""Per obedi un comanda," la ensendor ia responde. "Bon dia.""Ce es la comanda?""Ce me estingui me lampa. Bon sera."E el ia reensende el."Ma per ce tu ia reensende aora el?""Per obedi un comanda," la ensendor ia responde."Me no comprende," la prinse peti ia dise."On no nesesa comprende," la ensendor ia dise. "Un comanda es un comanda. Bon dia."E el ia estingui se lampa.Alora el ia frota se fronte con un teleta de cuadros rojas."Me ave un ocupa multe mal. El ia es justa en la pasada. Me ia estingui en la matina, eensende en la sera. Me ia ave la resta de la dia per reposa, e la resta de la note per dormi...""E, de acel tempo, la comanda ia cambia?""La comanda no ia cambia," la ensendor ia dise. "Esta es la trajedia! De un anio a laseguente, la planeta ia torse sempre plu rapida, e la comanda no ia cambia!"28

"E donce?" la prinse peti ia dise."Donce, car el fa aora un torse en cada minuto, me no ave plu un secondo de reposa. Meensende e estingui a un ves en cada minuto!""Esta es comica! Per tu, la dias ave un minuto de longia!""Esta es vera noncomica," la ensendor ia dise. "Tu e me, nos ia parla ja per un mense.""Un mense?""Si. Tredes minutos. Tredes dias! Bon sera."E el ia reensende se lampa.La prinse peti ia regarda el, e el ia ama esta ensendor ci es tan fidos a se comanda. El iarecorda la reposas de sol cual el ia vade xerca se mesma en la pasada, par tira se seja. El ia voleaida se ami:"Tu sabe... me conose un modo par cual tu ta reposa cuando tu vole...""Me vole sempre," la ensendor ia dise.Car on pote es fidos e pigra a la mesma tempo.La prinse peti ia continua:"Tu planeta es tan peti ce tu vade sirca el par tre pasones. Tu debe simple pasea alga lenta perresta sempre su la sol. Cuando tu vole reposa, tu ta pasea... e la dia va continua per tan longacomo tu desira.""Me no profita multe de esta," la ensendor ia dise. "Me cosa amada en la vive es la dormi.""Esta es un mal fortuna," la prinse peti ia dise."Esta es un mal fortuna," la ensendor ia dise. "Bon dia."E el ia estingui se lampa."Acel person," la prinse peti ia dise a se, cuando el continua se viaja a plu distante, "acel ta esdespresada par tota la otras, par la re, par la egos, par la buvor, par la comersior. An tal, el es launica ci no pare riable a me. Cisa esta es car el ocupa se de un otra cosa estra se mesma."El ia suspira regretos e ia dise ancora a se:"Acel es la unica con cual me ta pote deveni se ami. Ma se planeta es vera tro peti. No ave laspasio per du..."La prinse peti no ia osa confesa a se ce se causa xef per regrete acel planeta bondiseda es la milcuatrosento cuatrodes reposas de sol en dudes-cuatro oras!29

Capitol 15La planeta ses ia es un planeta plu vasta par des veses. El ia es abitada par un senior vea ciscrive libros enorme."A! Ave asi un esploror!" el ia esclama cuando el ia vide la prinse peti.La prinse peti ia senta se sur la table e ia fa poca respiras rapida. El ia viaja ja tan multe!"De do tu veni?" la senior vea ia dise a el."Ce es esta libro spesa?" la prinse peti ia dise. "Ce tu fa asi?""Me es un jeografiste," la senior vea ia dise."Ce es un jeografiste?""El es un scolor ci sabe do es la mares, la rios, la vilas, la montanias, e la desertos.""Esta es multe interesante," la prinse peti ia dise. "Esta es final un carera vera!" E el ia fa unregardeta sirca se a la planeta de la jeografiste. El ia vide ancora nunca un planeta tan mervelios."Tu planeta es multe bela. Esce el ave mares?""Me no pote sabe," la jeografiste ia dise."A!" (La prinse peti ia senti un delude.) "E montanias?""Me no pote sabe," la jeografiste ia dise."E vilas e rios e desertos?""Denova, me no pote sabe," la jeografiste ia dise."Ma tu es un jeografiste!""Coreta," la jeografiste ia dise, "ma me no es un esploror. Me manca completa la esplorores.La jeografiste no conta la vilas, la rios, la montanias, la mares, e la desertos. La jeografiste es troimportante per pasea. El no sorti de se table. Ma el reseta ala la esplorores. El fa demandas a los,e el fa notas de se recordas. E si la recordas de un de los pare interesante a el, la jeografisterexerca la moralia de la esploror.""Per ce?""Car un esploror ci menti ta causa desastres en la libros de jeografia. Como ance un esplororci bevi tro.""Per ce?" la prinse peti ia dise."Car la ebras vide duple. Alora la jeografiste ta nota du montanias en un loca do sola un delos esiste.""Me conose algun," la prinse ia dise, "ci ta es un mal esploror.""Es posible. Donce, cuando la moralia de la esploror pare bon, on rexerca se descovre.""On vade vide?""No. Esta ta es tro complicada. Ma on esije ce la esploror furni probas. Per esemplo, si ave uncaso de descovre un montania grande, on esije ce el retrae alga petras grande."La jeografiste ia deveni subita stimulada."Ma tu, tu veni de distante! Tu es un esploror! Tu va descrive tu planeta a me!"E la jeografiste, pos abri se arcivo, ia agi se peneta. On nota prima la naras de la esplororescon un peneta. On pospone nota los con inca asta cuando la esploror ia furni probas."Donce como?" ia jeografiste ia demanda.30

"O, do me abita," la prinse peti ia dise, "no es multe interesante — es vera peti. Me ave trevolcanes. Du volcanes ativa, e un volcan nonativa. Ma on pote nunca sabe.""On pote nunca sabe," la jeografiste ia dise."Me ave ance un flor.""Nos no nota la flores," la jeografiste ia dise."Per ce? Los es la plu bela!""Car la flores es tempora.""Ce es la sinifia de 'tempora'?""La libros de jeografia," la jeografiste ia dise, "es la libros la plu valuos de tota libros. Los esnunca de moda pasada. Es tre rara si un montania cambia se loca. Es tre rara si un mar perdetota de se acua. Nos scrive de cosas eterna.""Ma la volcanes nonativa pote velia se," la prinse peti ia interompe. "Ce es la sinifia de'tempora'?""Ce la volcanes pote es nonativa o veliada, esta dona la mesma resulta per nos," la jeografisteia dise. "La cosa importante per nos es la montanias. Los no cambia.""Ma ce es la sinifia de 'tempora'?" la prinse peti ia repete, ci ia abandona nunca en se vive undemanda pos fa el."El sinifia 'cual es menasada par desapare en la futur prosima'.""Me flor es menasada par desapare en la futur prosima?""Natural.""Me flor es tempora," ia prinse peti ia dise a se, "e el ave sola cuatro spinas per defende secontra la mundo! E me ia lasa el es intera solitar do me abita!"Esta ia es se senti prima de regrete. Ma el ia reprende la coraje:"Tu consela me vade visita cual loca?" el ia demanda."La planeta Tera," la jeografiste ia responde. "El ave un bon reputa..."E la prinse peti ia vade a via, soniante de se flor.31

Capitol 16Donce la planeta sete ia es la Tera.La Tera no es como cualce otra planeta! On conta ala sento des-un res (sin oblida la resnegra, natural!), sete mil jeografistes, novesento mil comersiores, sete milion sincosento milebras, e tresento des-un milion egoses, cual es per dise prosima du mil milion persones grande.Per dona a tu un idea de la dimensiones de la Tera, me va dise a tu ce, ante la inventa deeletrica, on ia nesesa suporta ala, sur la ses continentes juntada, un armada vera de cuatrosentosesdes-du mil sincosento des-un ensendores de lampas.Videda de distante, esta ia fa un efeto mervelios. La moves de esta armada ia es reguladacomo los de un baletia de opera. Prima ia es la momento de la ensendores de Zeland Nova e deAustralia. Alora estas, pos ensende se lampas, ia vade per dormi. A pos, a se momento, laensendores de Xina e Sibir ia entra en la dansa. Alora los ia desapare majios en la alas de teatro.A pos, ia es la momento de la ensendores de Rusia e la Indias. A pos, los de Africa e Europa. Apos, los de America Sude. A pos, los de America Norde. E los ia era nunca en se ordina de entrasur la stadio. Ia es grandios.La ensendor de la lampa solitar de la Polo Norde, e se colaboror de la lampa solitar de la PoloSude, sola estas ia fa vives de pigria e reposa: los ia labora a du veses per anio.32

Capitol 17Cuando on vole diverti, on menti poca a veses. Me no ia es multe onesta cuando me ia parla atu de la ensendores de lampa. Me ia risca dona un idea falsa de nos planeta a los ci no conose el.La persones ocupa vera poca spasio sur la tera. Si la du mil milion abitores ci vive sur la tera tasta alga densa, como per un protesta, on ta pote conteni los sur un plaza publica de dudes miliaslonga e dudes milias larga. On ta pote paci la umanas sur la isola pasifica la min peti.Natural, la persones grande no va crede tu. Los imajina ce los ocupa multe spasio. Los opinase es importante como baobabes. Donce tu va consela los fa la calcula. Los adora la numeros:esta va plase a los. Ma no perde tu tempo en esta noia. La cosa es nonperos. Tu ta confide me.Donce, pos se ariva sur la tera, la prinse peti ia es multe surprendeda cuando el vide nun. Elia teme ja ce el no ia veni a la planeta coreta, cuando un anelo colorida como la luna ia move surla arena."Bon note," la prinse peti ia risca dise."Bon note," la serpente ia dise."Sur ce planeta me ia cade?" la prinse peti ia demanda."Sur la tera, en Africa," la serpente ia responde."A! ... Donce no person es sur la tera?""Asi es un deserto. Nun es en la desertos. La tero es grande," la serpente ia dise.La prinse peti ia senta se sur un petra e leva se oios a la sielo:"Me demanda a me," el ia dise, "esce la stelas es luminada afince, a alga momento, cadunpote retrova se stela? Regarda me planeta. El es esata supra nos... Ma el es tan distante!""El es bela," la serpente ia dise. "Tu veni asi per fa ce?""Me ave difisiles con un flor," la prinse peti ia dise."A!" la serpente ia dise.E los ia silenti.33

"Do es la persones?" la prinse peti ia recomensa final. "On es poca solitar en la deserto...""On es ance solitar entre la persones," la serpente ia dise.La prinse peti ia regarda el per un tempo longa:"Tu es un animal comica," el ia dise final a el, "magra como un dito...""Ma me es plu potios ce la dito de un re," la serpente ia dise.La prinse peti ia fa un surie:"Tu no es vera potios... tu no ave an gamas... tu no pote an viaja...""Me pote transporta tu, plu distante ce un barcon," la serpente ia dise.El envolve se sirca la talo de la prinse peti, como un brasaleta de oro:"Cuando algun es tocada par me, me reenvia el a la tera de do el ia sorti," el ia continua. "Matu es pur, e tu veni de un stela..."La prinse peti no ia fa un responde."Me compati tu, tan debil sur esta tera de granito. Me pote aida tu a alga dia, si tu senti tro lamanca de tu planeta. Me pote...""O! Me ia comprende multe bon," la prinse peti ia dise, "ma per ce tu parla sempre parrompetestas?""Me solve tota de los," la serpente ia dise.E los ia silenti.34

Capitol 18La prinse peti ia traversa la deserto e encontra sola un flor. Un flor con tre petales, un flor convera no sinifia..."Bon dia," la prinse peti ia dise."Bon dia," la flor ia dise."Do es la persones?" la prinse peti ia demanda cortes.A un dia, la flor ia vide ja un caravan pasa:"La persones? Me crede ce ses o sete de los esiste. Me ia vide los ante anios. Ma on sabenunca do on va trova los. La venta pasea los. Los manca radises, e esta irita multe los.""Adio," la prinse peti ia dise."Adio," la flor ia dise.35

Capitol 19La prinse peti ia asende un montania alta. La montanias unica cual el ia conose a ante es la trevolcanes cual ia ateni se jeno. E el ia usa la volcan nonativa como un sejeta. "De un montaniaalta como esta," el ia pensa, "me va vide direta tota la planeta e tota persones... " Ma el ia videno cosa estra culmines de roca multe agu."Bon dia," el ia risca dise."Bon dia... Bon dia... Bon dia..." la eco ia responde."Ci es vos?" la prinse peti ia dise."Ci es vos... ci es vos.. ci es vos..." la eco ia responde."Es me amis: me es solitar," el ia dise."Me es solitar... me es solitar..." la eco ia responde."Esta planeta es tan strana," el ia pensa alora. "El es intera seca, e intera agu, e intera salos. E lapersones no es creos. Los repete acel cual on dise a los... Do me abita, me ia ave un flor: el ia essempre la prima ci parla..."36

Capitol 20Ma ia aveni ce la prinse peti, pos pasea per un tempo longa tra arenas, rocas, e nevas, iadescovre final un rua. E tota ruas vade a la persones."Bon dia," el ia dise.El ia es en un jardin plen de rosas."Bon dia," la rosas ia dise.La prinse peti ia regarda los. Tota de los ia sembla se flor."Ci es vos?" el ia demanda a los, stonada."Nos es rosas," la rosas ia dise."A!" la prinse peti ia dise...E el ia senti multe nonfelis. Se flor ia dise a el ce el es la unica de se spesie en la universa. Eave asi sinco mil flores, de cual tota ia sembla el, en sola un jardin!"Me flor ta es multe ofendeda," el ia dise a se, "si el ta vide esta... el ta tose enorme e ta finjemori per evade la burla. E me ta es obligada de finje cura per el, car, si no, el ta lasa se morivera, per umili ance me..."Alora el ia dise ancora: "Me ia crede me es rica con un flora unica, ma me posese sola unrosa comun. Esta, e me tre volcanes cual ateni me jeno, e de cual un es cisa estinguida persempre, estas no fa me es un prinse multe grande..." E, reclinante en la erba, el ia plora.37

Capitol 21A acel momento, la volpe ia apare."Bon dia," la volpe ia dise."Bon dia," la prinse peti ia responde cortes. El ia torse se ma ia vide no cosa."Me es asi," la vose ia dise, "su la pomo...""Ci tu es?" la prinse peti ia dise. "Tu es multe bela...""Me es un volpe," la volpe ia dise."Veni jua con me," la prinse peti ia proposa a el. "Me es tan triste...""Me no pote jua con tu," la volpe ia dise. "Me no es domada.""A, pardona!" la prinse peti ia dise.Ma, pos pensa, el ia ajunta:"Ce es la sinifia de 'doma'?""Tu no es de asi," la volpe ia dise. "Ce tu xerca?""Me xerca la persones," la prinse peti ia dise. "Ce es la sinifia de 'doma'?""La persones," la volpe ia dise, "ave fusiles, e los xasa. Tan iritante! Los eleva ance gales.Esta es se sola interesa. Tu xerca gales?""No," la prinse peti ia dise. "Me xerca amis. Ce es la sinifia de 'doma'?""El es un cosa tro oblidada," la volpe ia dise. "El sinifia 'crea lias'...""Crea lias?""Natural," la volpe ia dise. "Per me, tu es ancora sola un fio peti, tota simil a sento mil fiospeti. E me no nesesa tu. E tu no nesesa me, ance. Per tu, me es sola un volpe simil a sento milvolpes. Ma, si tu doma me, nos va nesesa nos, la un la otra. Tu va es unica per me en la mundo.Me va es unica per tu en la mundo...""Me comensa comprende," la prinse peti ia dise. "Un flor esiste... me crede ce el ia domame...""Esta es posible," la volpe ia dise. "On vide tota spesies de cosa sur la Tera...""O! Acel no es sur la Tera," la prinse peti ia dise.La volpe ia pare multe curios:38

"Sur un otra planeta?""Si.""Ave xasores sur acel planeta?""No."Esta es interesante! E gales?""No.""No cosa es perfeta," la volpe ia suspira.Ma la volpe ia reveni a se idea:"Me vive es monotonos. Me xasa la gales, la persones xasa me. Tota gales sembla la un laotras, e tota persones sembla la un la otras. Donce me es poca noiada. Ma si tu doma me, mevive va es como plen de sol. Me va conose un sona de pasos cual difere de tota otras. La otrapasos fa me revade su la tera. Los de tu va clama me de me buco, como un musica. E regarda!Tu vide ala la campos de trigo? Me no come la pan. Me no pote usa la trigo. La campos de trigorecorda no cosa per me. E esta es triste! Ma tu ave capeles oro. Donce va es mervelios cuando tuia doma me! La trigo, cual es oro, va recorda me de tu. E me va ama la ruido de la venta en latrigo..."La volpe ia silenti e regarda la prinse peti per un tempo longa:"Per favore... doma me!" el ia dise."Me desira," la prinse peti ia responde, "ma me no ave multe tempo. Me debe descovre amise conose multe cosas.""On conose sola la cosas cual on doma," la volpe ia dise. "La persones ave aora la tempo perconose no cosa. Los compra cosas ja preparada, de la vendores. Ma car vendores de amis noesiste, la persones no ave plu amis. Si tu desira un ami, doma me!""Ce me debe fa?" la prinse peti ia dise."Tu debe es multe pasiente," la volpe ia responde. Prima, tu va senta tu alga distante de me, aacel manera, en la erba. Me va regarda tu en la angulo de me oio, e tu va dise no cosa. La parlaes un fonte de malcomprendes. Ma, a cada dia, tu va pote senta poca plu prosima..."A la dia seguente, la prinse peti ia reveni.39

"Ta es plu bon si tu reveni a la mesma ora," la volpe ia dise. "Si tu veni, per esemplo, a la oracuatro de la posmedia, me va comensa es felis de la ora tre. La ora avansa plu, donce me vasenti plu felis. Ja a la ora cuatro, me va deveni noncalma e ansios; me va descovre la preso de lafelisia! Ma si tu veni a cualce ora, me va sabe nunca a cual ora me debe vesti me cor... on nesesarituos.""Ce es un rituo?" la prinse peti ia dise."El es ance un cosa tro oblidada," la volpe ia dise. "El es acel cual fa un dia difere de la otradias, un ora de la otra oras. Un rituo esiste, per esemplo, entre me xasores. En jovedis, los dansacon la fias de la vileta. Donce jovedi es un dia mervelios! Me vade pasea asta la viteria. Si laxasores dansa a cualce tempo, la dias ta sembla la un la otras, e me no ta ave vacanses."En esta modo la prinse peti ia doma la volpe. E cuando la ora de parti ia prosimi:"A!" la volpe ia dise... "me va plora.""Tu es culpable," ia prinse peti ia dise, "me no ia desira mal per tu, ma tu ia vole ce me domatu...""Serta," la volpe ia dise."Ma tu va plora!" la prinse peti ia dise."Serta," la volpe ia dise."Donce tu gania no cosa!""Me gania," la volpe ia dise, "par la color de la trigo."Alora el ajunta:"Vade revide la rosas. Tu va comprende ce tu rosa es unica en la mundo. Tu va reveni perdise adio a me, e me va dona a tu un secreta."La prinse peti ia vade revide la rosas."Vos es simil en no modo a me rosa, vos es ancora no cosa," el ia dise a los. No person iadoma vos, e vos ia doma no person. Vos es como me volpe ia es. El ia es sola un volpe simil asento mil otras. Ma me ia fa el es me ami, e el es aora unica en la mundo."E la rosas ia es multe disturbada."Vos es bela, ma vos es vacua," el ia dise ancora. "On no pote mori per vos. Natural, unperson comun ci pasa ta crede ce me rosa es simil a vos. Ma me rosa es la solitar cual es plu40

importante ce tota de vos, car el es la rosa cual me ia duxi. Car el es la rosa cual me ia pone suun vitro. Car el es la rosa cual me ia proteje con la paraventa. Car el es la rosa de cual me iamata se erugas (con eseta de la du o tre cual va deveni papilios). Car el es la rosa cual me iaescuta cuando el ia cexa, o ia vanta, o an ia es silente a veses. Car el es me rosa."E el ia reveni a la volpe:"Adio," el ia dise..."Adio," la volpe ia dise. "Me secreta es esta. El es multe simple: on vide bon sola con se cor.On no pote vide la esense con se oios.""On no pote vide la esense con se oios," la prinse peti ia repete, per memora."La cosa cual fa tu rosa es tan importante, el es la tempo cual tu ia perde per tu rosa.""El es la tempo cual me ia perde per me rosa..." la prinse peti ia dise, per memora."La persones ia oblida esta vera," la volpe ia dise. "Ma tu no debe oblida el. Tu deveniencargada per sempre con acel cual tu ia doma. Tu es encargada con tu rosa...""Me es encargada con me rosa..." la prinse peti ia repete, per memora.41

Capitol 22"Bon dia," la prinse peti ia dise."Bon dia," la laboror de la force ferovial ia dise."Ce tu fa asi?" la prinse peti ia dise."Me separa la viajores en pacos de mil," la ferovior ia dise. "Me envia la trenes cualtransporta los, aora a destra, aora a sinistra."E un tren luminada rapida, roncante como la tona, ia trema la cabana de la force ferovial."Los freta multe," la prinse peti ia dise. "Los xerca ce?""La locomotivor se mesma no sabe," la ferovior ia dise.E un tren luminada rapida ia ronca en la otra dirije."Los reveni ja?" la prinse peti ia demanda..."Los no es la mesmas," la ferovior ia dise. "Ave un intercambia.""Los no ia es contente do los ia es?""On es nunca contente do on es," la ferovior ia dise.E la tona de un tren luminada rapida ia ronca."Los xasa la viajores prima?" la prinse peti ia demanda."Los xasa vera no cosa," la ferovior ia dise. "Los dormi ala, o a la min los balia. Sola laenfantes crase se nases contra la vitros.""Sola la enfantes sabe la cosa cual los xerca," la prinse peti ia dise. "Los perde tempo per unpopa de trapo, e esta deveni multe importante, e si on prende el de los, los plora...""Los es fortunos," la ferovior ia dise.42

Capitol 23"Bon dia," la prinse peti ia dise."Bon dia," la vendor ia dise.El ia es un vendor de piles perfetida cual estingui la setia. On engoli un en cada semana e onno senti plu la nesesa de beve."Per ce tu vende esta?" la prinse peti ia dise."On gania multe tempo per el," la vendor ia dise. "La espertas ia fa calculas. On ganiasincodes-tre minutos en cada semana.""E ce on fa con la sincodes-tre minutos?""On fa acel cual on vole...""Si me ta ave sincodes-tre minutos per spende," la prinse peti ia dise a se, "me ta pasea totalenta en dirije a un fonte..."43

Capitol 24Nos ia es en la dia oto de me falta en la deserto, e escutante la nara de la vendor, me ia bevi jala gota final de me furni de acua:"A!" me ia dise a la prinse peti, "tu recordas es multe amable, ma me no ia repara ancora meavion, me ave no plu cosa per bevi, e me ance ta es felis si me pote pasea multe lenta en dirije aun fonte!""Me ami, la volpe..." el ia dise a me."Me senior peti, la volpe no es plu pertinente!""Per ce?""Car nos va mori de setia..."El no ia comprende me razona. El ia responde a me:"Es bon si on ia ave un ami, an si on va mori. Me mesma, me es plen contente ce me ia aveun ami volpe...""El no es consensa de la peril," me ia dise a me. "El es nunca fama e nunca seto. Poca solsufisi per el..."Ma el ia regarda me e ia responde a me pensa:"Me es ance seto... nos ta xerca un poso..."Me ia jesti fatigada: xerca acaso un poso en la enormia de la deserto, esta es asurda. An tal,nos ia comensa pasea.Cuando nos ia pasea per oras en silentia, la note ia desende, e la stelas ia comensa lumina se.Me ia vide los como en un sonia, con poca febre, par causa de me setia. La parolas de la prinsepeti ia dansa en me memoria:"E donce tu es ance seto?" me ia demanda a el.Ma el no ia responde a me demanda. El ia dise simple a me:"La acua pote es ance bon per la cor..."Me no ia comprende se responde, ma me ia silenti... Me ia sabe bon ce demanda a el no vaaida.El ia es fatigada. El ia senta se. Me ia senta me asta el. E, pos un silentia, el ia dise ancora:"La stelas es bela, par causa de un flor cual on no vide..."Me ia responde "serta", e, sin parla, me ia regarda la plias de la arena su la luna."La deserto es bela," el ia ajunta...E esta ia es vera. Me ia ama sempre la deserto. On senta sur un duna de arena. On vide nocosa. On oia no cosa. E an tal, alga cosa radia silente..."La cosa cual beli la deserto," la prinse peti ia dise, "es ce el asconde un poso a alga loca..."Me ia es surprendeda par comprende subita esta radia misterios de la arena. Cuando me ia esun fio peti, me ia abita en un casa antica, e la lejenda ia nara ce un tesoro ia es ala enterada.Natural, persones ia sabe nunca descovre el, e cisa persones ia xerca nunca el. Ma el ia encantatota acel casa. Me casa ia asconde un secreta en la fondo de se cor..."Si," me ia dise a la prinse peti, "cuando on parla de la casa, de la stelas, o de la deserto, lacosa cual crea se belia es nonvidable!""Me es contente," el ia dise, "ce tu acorda con me volpe."Car la prinse peti ia comensa adormi, me ia prende el en me brasos, e me ia recomensa pasea.Me ia es emosiada. Me ia pare porta un tesoro frajil. Ia pare an ce ave no cosa plu frajil sur latera. Me ia regarda par la lus de la luna esta fronte pal, esta oios cluida, esta mexas de capelascual trema en la venta, e me ia dise a me: "La cosa cual me vide ala es sola un casca. La pluimportante es nonvidable..."Car se labios partal abrida ia mostra aora un surie peti, me ia dise ancora: "La cosa cualemosia tan forte me en esta prinse peti dorminte es se fide per un flor; el es la imaje de un rosacual radia en el como la flama de un lampa, an cuando el dormi..." E me ia opina el es ancoraplu frajil. Serta, on nesesa proteje lampas: un sofla de venta pote estingui los...E, tal paseante, me ia descovre la poso a la leva de sol.44

Capitol 25"La umanas," la prinse peti ia dise, "los freta en la trenes rapida, ma los no plu sabe la cosacual los xerca. Alora los ajita se e vade sirculo..."E el ia ajunta:"No es nesesada..."La poso cual nos ia ateni no ia es simil a la posos sahari. La posos sahari es bucos simple,escavada en la arena. Esta ia es como un poso de vileta. Ma ia ave ala no vileta e me ia crede ceme sonia."Strana," me ia dise a la prinse peti, tota es ja preparada: la pulea, la balde e la corda..."El ia rie, toca la corda e move la pulea. E la pulea ia cruji como un indicador vea cuando laventa ia dormi ja per multe tempo."Esce tu oia?" la prinse peti ia dise. "Nos velia esta poso e el canta..."Me no ia vole ce el labora multe:"Lasa me fa," me ia dise a el, "esta es tro pesos per tu."Lenta, me ia alti la balde asta la borda. Me ia instala firma el. En me oreas la canta de lapulea ia continua e, en la acua cual ia trema ancora, me ia vide la sol trema."Me es seto per esta acua," la prinse peti ia dise, "dona el a me per bevi..."E me ia comprende ce cosa el ia xerca!Me ia leva la balde asta se labios. El ia bevi, con se oios cluida. La acua ia es dulse como unfesta. Vera, esta acua no ia es sola un bevida. El ia nase de la pasea su la stelas, de la canta de lapulea, de la fortia de me brasos. El ia es bon per la cor, como un donada. Cuando me ia es unfio, la lus de la arbor de natal, la musica de la misa de medianote, la dulsia de la suries ia faalora la radia plen de la donada de natal cual me ia reseta."La umanas de do tu abita," la prinse peti ia dise, "cultiva sinco-mil rosas en la mesmajardin... e los no trova ala la cosa cual los xerca.""Los no trova el," me ia responde..."E an tal, la cosa cual los xerca ta pote es trovada en un rosa unica o en poca acua...""Evidente," me ia responde.E la prinse peti ia ajunta:"Ma la oios es sieca. On debe xerca con se cor."Me ia bevi ja. Me ia respira forte. La arena a leva de sol ave la color de miel."Tu debe reali tu promete," la prinse peti, ci ia senta denova asta me, ia dise dulse a me.45

"Ce promete?""Tu sabe... Un cluiboca per me ovea... Me es encargada de esta flor!"Me ia estrae de me pox me atentas de desinia. La prinse peti ia vide los e ia dise con rie:"Tu baobabes, los es alga simil a coles...""Ai!"Me ia es tan orgulos de me baobabes!"Tu volpe... se oreas... los es alga simil a cornos... e los es tro longa!"E el ia rie denova."Tu es nonjusta, senior peti, me ia sabe desinia no cosa estra la boas cluida e la boas abrida.""Ai! Esta va conveni," el ia dise, "la enfantes sabe."Donce me ia atenta desinia un cluiboca. E me cor ia streti cuando me ia dona esta a el:"Tu ave projetas cual me no conose..."Ma el no ia responde. El ia dise:"Tu sabe, me ia cade sur la Tera... Doman va es la aniversario..."E pos un silentia el ia dise plu:"Me ia cade multe prosima de asi..."E el ia roji.E denova, sin comprende per ce, me ia senti un lamenta strana. Ma un demanda ia veni a me:"Donce no ia es acaso ce, a la matina cuando me ia encontra tu, ante un semana, tu ia pasea aacel modo, solitar, a mil milias de tota areas abitada! Tu ia es reveninte a la loca de tu cade?"La prinse peti ia roji ancora.E me ia ajunta, esitante:"Posible par causa de la aniversario?"La prinse peti ia roji denova. El ia responde nunca a la demandas, ma, cuando on roji, estasinifia "si", no?"Ai!" me ia dise a el, "me teme..."Ma el ia responde a me:"Tu debe labora aora. Tu debe vade denova asta tu macina. Me va espeta tu asi. Revenidoman a la sera..."Ma me no ia calmi. Me ia recorda la volpe. On risca plora poca si on lasa se es domada...46

Capitol 26Asta la poso, ia ave un ruina de un ponte vea de petra. Cuando me ia reveni de me labora, a lasera seguente, distante, me ia vide me prinse peti senta sur el con se gamas pendante. E me iaoia el parla:"Vera, tu no recorda?" el ia dise. "Esta no es la loca esata!"Probable un otra vose ia responde car el ia replica:"Si! Si! La dia es coreta, ma esta no es la loca, ..."Me ia continua pasea asta la mur. Me ia vide e oia ancora nun. An tal, la prinse peti ia replicadenova:"... Evidente. Tu va vide do me trasa comensa en la arena. Sufisi ce tu espeta me ala. Me vaes ala a esta note."Me ia es a un distantia de dudes metros de la mur e me ia vide ancora no cosa.Pos un silenti, la prinse peti ia dise a plu:"Tu ave un bon venena? Tu es serta ce el no va fa me sufri tro longa?"Me ia para, ansios, ma me no ia comprende ancora."Aora vade a via," el ia dise... "me vole desende!"Alora me ia basi me oios asta la pede de la mur, me mesma, e me ia salta! El ia sta ala, ante laprinse peti: un de esta serpentes jala cual mata on en tredes secondos. Xercante me revolver enme pox, me ia comensa core, ma oiante la ruido cual me ia fa, la serpente ia lasa se flue lenta enla arena, como un jeta de acua morinte, e, sin multe freta, zigzaga entre la petras como un ruidolejera de metal. Me ia ariva ja a la mur per reseta en me brasos me senior peti prinse, pal comola neva."Ce caso es esta! Tu parla a la serpentes, aora!"Me ia laxi ja se scarfa eterna. Me ia moia ja se tempes e fa el bevi. E aora me no ia osa pludemanda cualce cosa a el. El ia regarda seria me e ensirca me colo con se brasos. Me ia senti mecor bate como acel de un avia cual mori cuando on ia fusili el de la sielo. El ia dise a me:"Me es contente car tu ia trova la cosa cual ia manca a tu macina. Tu va pote vade a tucasa...""Como tu sabe!"Me ia es a fini de anunsia a el ce, contra tota espera, me ia susede fa me labora!47

El ia responde no cosa a me demanda, ma el ia ajunta:"Ance me vade oji a me casa..."A pos, triste:"Es multe plu distante... es multe plu dur..."Me ia senti vera ce alga cosa estracomun aveni. Me ia streti el entre me brasos como un bebe,e an tal ia pare a me ce el ia afonda vertical en un profonda sin ce me ta pote fa alga cosa perreteni el...El ia ave un regarda seria, perdeda multe distante:"Me ave tu ovea. E me ave la caxa per tu ovea. E me ave la paramorde..."E el ia surie triste.Me ia espeta longa. Me ia senti ce el ia tepidi poca e poca:"Senior peti, tu ia teme..."El ia teme, evidente! Ma el ia rie basa:"Me va teme multe plu a esta sera..."Denova, me ia senti ce me ia es jelada par un senti nonreparable. E me ia comprende ce meno tolera la idea de oia nunca plu esta rie. Esta ia es per me como un fonte en la deserto."Senior peti, me desira oia a plu tu rie..."Ma el ia dise a me:"Esta note va completi un anio. Me stela va trova se esata a supra de do me ia cade a la aniopasada...""Senior peti, esce esta cosa de serpente e de encontra e de stela no es un malsonia...?"Ma el no ia responde a me demanda. El ia dise:"La cosa cual es importante no es vidable...""Natural...""Es como con la flor. Si tu ama un flor cual trova se en un stela, dulse es regarda la sielo a lanote. Tota stelas es florida.""Natural...""Es como con la acua. Acel cual tu ia dona a me per bevi ia es como un musica, par causa dela pulea e de la corda... tu recorda... el ia sabori bon.""Natural...""Tu va regarda, a la note, la stelas. Do me abita es tan peti ce me no pote mostra a tu do mestela es situada. Tal es plu bon. Me stela va es per tu un de la stelas. Alora, tota la stelas, tu vagusta regarda los... Tota de los va es tu amis. E me va dona alga cosa a tu..."Denova, el ia rie."A! senior peti, senior peti, me gusta oia esta rie!""Esata esta va es me donada... esta va es como con la acua..."48

"Ce tu vole dise?""La persones ave stelas cual no es la mesmas. Per alga persones ci viaja, la stelas es gidas.Per otras los es sola lampas peti. Per otras ci es siensistes, los es problemes. Per me comersiorlos ia es oro. Ma tota esta stelas silenti. Tu va ave stelas como no person ave...""Ce tu vole dise?""Cuando tu va regarda la sielo, a note, car me va abita en un de los, car me va rie en un delos, alora esta va es per tu como si tota la stelas rie. Tu, sola tu, va ave stelas cual sabe rie!"E el ia rie denova."E cuando tu va es consolada (on sempre es consolada), tu va es contente de conose me. Tuva es sempre me ami. Tu va desira rie con me. E tu va abri a veses la fenestra, per no cosa, perplaser... E tu amis va es vera stonada cuando los vide tu rie regardante la sielo. Alora tu va disea los: 'Si, la stelas, los fa me rie a cada ves!' E los va pensa ce tu es fol. Me ia engana bon tu..."E el ia rie denova."Va es como si me ia dona a tu, en loca de stelas, un monton de campanetas cual sabe rie..."E denova el ia rie. A pos el deveni denova seria:"A esta note... tu sabe... no veni.""Me no va lasa tu.""Me va pare doleda... Me va pare poca morinte. Es tal. No veni per vide esta, el no merita...""Me no va lasa tu."Ma el ia es preocupada."Me dise esta a tu... es ance par causa de la serpente. Nesesa ce el no morde tu... Laserpentes, los es mal. Los pote morde per plaser...""Me no va lasa tu."Ma alga cosa ia cuieti el:"Es vera ce los no ave plu venena per un morde du..."A esta note, me no ia vide el departi. El ia fuji ja en silentia. Cuando me ia susede ateni el, elia pasea desidente, fretante. El ia dise a me sola:"A! tu es ala..."E el ia prende me mano. Ma el ia preocupa denova se:"Tu no ia es coreta. Tu va es triste. Me va pare mor e esta no va es vera..."Me ia silenti."Tu comprende. Es tro distante. Me no pote trae esta corpo. El es tro pesos."Me ia silenti."Ma va es como un casca vea abandonada. La cascas vea no es triste..."Me ia silenti.El ia descoraji alga. Ma el ia fa ancora un atenta:"Va es jentil, tu sabe. Me va regarda la stelas. Tota la stelas va es como posos con un puleaosidinte. Tota la stelas va versa a me per bevi..."Me ia silenti."Esta va es tan divertinte! Tu va ave sincosento milion campanetas, me va ave sincosentomilionesde fontes..."E el ia silenti car el ia es plorante..."Es ala. Lasa me fa un paso solitar."E el ia senta se car el ia teme.49

El ia dise ancora:"Tu sabe... me flor... me es encargada de el! E el es tan debil! E el es tan naive. El ave cuatrospinetas per proteje se de la mundo..."Me ia senta me car me no ia pote plu sta. El ia dise:"Ave... No cosa plu..."El ia esita ancora poca, e ia leva se. El ia fa un paso. Me no ia pote plu move.Ia ave sola un flax jala asta se talo. El ia resta nonmovente per un momente. El no ia cria. Elia cade lenta como un arbor cade. An sin ruido, par causa de la arena.50

Capitol 27E aora, evidente, ses anios ia pasa ja... Me ia reconta ancora nunca esta nara. La cameradas ciia vide me ia es vera contente de revide me en vive. Me ia es triste, ma me ia dise a los: "Es lafatiga..."Aora me es poca consolada. Esta es per dise... no completa. Ma me es serta ce el ia vade a seplaneta, car, a la leva de sol, me ia no trova se corpo. No ia es un corpo tan pesos... E me gusta anote escuta la stelas. Es como sincosento milion campanetas...Ma aora alga cosa estracomun aveni. La paramorde cual me ia desinia per la prinse peti, meia oblida ajunta la lia de cuoro! El va susede nunca fisa el a se ovea. Alora me demanda me: "Ceia aveni sur se planeta? Cisa la ovea ia come la flor..."A veses me pensa: "Serta no! La prinse peti pone se flor su se globo de vitro a tota la notes, eoserva bon se ovea..." Alora me es felis. E tota la stelas rie jentil.A veses me pensa: "On es destraeda a un ves o otra, e basta! El ia oblida, a un sera, la globode vitro, o alora la ovea ia sorti silente en la note..." Alora tota la campanetas deveni larmas! ...Esta es vera un misterio grande. Per vos ci ama ance la prinse peti, como per me, no cosa enla universa es la mesma si a alga loca, on no sabe do, un ovea cual nos no conose ia come unrosa o no...Regarda la sielo. Demanda a vos: "La ovea ia come la flor o no?" E vos va vide como totacambia...E la persones grande va comprende nunca ce esta es tan importante!Esta es per me la vista la plu bela e la plu triste en la mundo. El es la mesma vista cual acelde la paje presedente, ma me ia desinia el a un ves nova per mostra el bon a vos. Es asi do laprinse peti ia apare sur la tera e ia desapare a pos.Regarda atendos esta vista per es serta de reconose el, si vos viaja a alga dia en Africa, en ladeserto. E, si aveni ce vos pasa ala, per favore, me demanda a vos ce vos no freta, ma espetapoca su la stela! Si un enfante veni alora asta vos, si el rie, si el ave capeles oro, si el noresponde cuando on demanda a el, vos va divina ja ci el es. Alora vos ta es amable! No lasa mees tan triste: scrive rapida a me ce el ia reveni...51