lorca

2.2. Guerra da Cal e Blanco-Amor
Eduardo chega a Vigo o 28 de marzo de 1933 61 e, despois dun emocionado
reencontro con súa nai enferma 62 e dunha inmersión na súa Auria e
no ambiente dos mozos galeguistas, entregados á tarefa do Estatuto de Autonomía
63 , bota en Madrid todo o mes de maio. A capital de España marcaba
o termómetro da actividade política e cultural do momento e el, como
correspondente de La Nación, debía explicar ós lectores do rotativo arxentino
as grandes transformacións que estaban a ocorrer en España.
Blanco-Amor é asiduo do café Regina, onde acoden os deputados
galeguistas, entre eles o seu amigo Suárez Picallo, e un día de primeiros de
maio Ramón Cabanillas preséntalle ó mozo Ernesto Pérez Güerra 64 . A ocasión
é propicia para conectar con García Lorca, pois o seu amigo Suárez
Picallo teríao ben informado desta relación e, de inmediato, pídelle a Ernesto
que lle facilite un encontro con Federico.
Blanco-Amor describirá a aquel Ernesto, moitos anos despois, como:
«... un rapaz ledo, belido, loiro, apaixoado, como ún supón
que terían que ser os arcanxos rebeldes, cando eran rapaces...» 65 .
Pero vexamos tamén algunhas das autodefinicións que Guerra da Cal
dá a si mesmo, nas cartas a Blanco-Amor, anos despois daquel encontro:
«... aquí estoy. El mismo ser extravagante, desatento y jodido
que tú conociste y que también te sigue queriendo...» 66 ; «... de aquel
61
Blanco-Amor partiu de Buenos Aires o 9 de marzo de 1933, no Highland Princess, e
chegou a Vigo o 28. Desde este mesmo porto regresaría á capital federal no Massilia o 6 de
novembro de 1935, onde arribaría o día 20 do mesmo mes. A axenda de Blanco-Amor describiu,
día a día, esta estadía en España, feito que nos permite constatar con máis exactitude, entre outras
cousas, os posibles encontros con García Lorca.
62
Súa nai, Aurora Amor, morrerá o 12 de xuño. Eduardo, que está en Madrid (1-31 de
maio), terá que volver precipitadamente, por esta razón, a Ourense.
63
Do 13 ó 30 de abril percorre A Coruña, Lugo, Santiago e Pontevedra.
Landeira Yrago anota unha destas reunión cos galeguistas Francisco Fernández del Riego,
Suárez Picallo, Carlos Maside e Luís Seoane o 2 de abril de 1933 (vid. Landeira Yrago, 1986a, p.
116). De ser certa esta cita, trasladouse desde Ourense.
64
As referencias para este encontro, como a presentación de García Lorca a Blanco-Amor,
están sacados da miña entrevista con Guerra da Cal, mantida o 4 de agosto de 1992, no seu
apartamento de Londres.
65
Casares, 1973, p. 342.
66
Carta de Guerra da Cal a Blanco-Amor, 20 de agosto de 1940, New York City, Arquivo
da Biblioteca Blanco-Amor, Deputación Provincial de Ourense.
87