lorca

Luís Manteiga cóntalle a Carlos Martínez-Barbeito o encontro con Federico,
en papel co selo da revista Yunque:
«Lorca ha caído entre nosotros; nos habló de María Blanchard,
nos dijo sus versos y nos habló de ti, del Carlitos limpiamente amigo
y paseamos mucho, él, Lamas y yo, por el anillo de las murallas;
y Lorca hizo aquí el milagro de que le aplaudiesen sinceramente
los que están muy lejos de él y de sus cosas; y Lorca nos dejó para
Yunque su primera poesía gallega, hecha en Santiago… 35 ».
1.5. Quinta viaxe de García Lorca á Galicia ideal dos emigrantes
Federico viaxa a Buenos Aires e a Montevideo e ten un encontro significativo
cos emigrantes galegos das ribeiras do Río da Prata. Alí vai nacer
o tema para o poema «Cántiga do neno da tenda».
Sabemos que o motivo inmediato da súa viaxe era o éxito de Bodas de
Sangre, representada por Lola Membrives, e o ánimo por dar a coñecer o
seu teatro en América. Pero Federico precisaba romper tamén, por veces,
as cadeas da estreita cerca vital do seu redor e buscar novas fronteiras para
o seu espírito. A súa inmersión na América hispana rubeniana era a outra
cara da anglosaxona de Poeta en Nueva York. Como lle pasara xa na súa
viaxe a Cuba, alí atopou o aire limpo e a voz amiga e sentiuse feliz. Entre
esa nube de xente que agardaba no porto de Buenos Aires a chegada do
barco Conte Grande onde el viña, estaban moitos galegos e algo tivo que
ver a chamada de alerta de Blanco-Amor 36 e Suárez Picallo, desde España,
ós galegos da Federación de Sociedades Galegas e do Centro Galego de
Buenos Aires. O actor galego Fernando Iglesias Tacholas 37 lembroume hai
uns anos, no Salón Castelao do Centro Galego de Buenos Aires, este
recibimento apoteótico de Lorca, hospedado no hotel Castelar, mesturado
cos galegos pola Avda. de Maio. Traía a aura de ter escrito uns poemas en
galego e os emigrantes, entusiasmados, seguírono a todas as partes. Os
35
Lugo, 26/11/1932. Arquivo epistolar de Carlos Martínez-Barbeito, con autorización de
Isabel Martínez-Barbeito.
36
En declaracións previas á estrea de La Zapatera prodigiosa, Lorca declara que as
manifestacións que faga ó público arxentino desexa que sexan por intermedio de La Nación,
pola condición de vello amigo deste periódico; pero non esquezamos que Blanco-Amor, que
levaba catorce anos en América, viñera de correspondente do diario bonaerense a España e axudara
a preparar esta viaxe de Lorca. Algo tivo que ver, pois, nesta cuestión.
37
Ver Luís Pérez Rodríguez: Fernando Iglesias “Tacholas”, un actor auriense na Galicia
ideal, Sada (A Coruña), Ediciós do Castro, 1996.
29