lorca

libro imprevisto, unha das formas numerosas do virtuosismo lorquiano, que
chegaba ó «lingüístico» 169 .
Non nos debe sorprender isto, cando en Galicia o mesmo Valle-Inclán
non sabía comprender nin valorar estas poesías axeitadamente. Un día, que
pasou pola imprenta de Ánxel Casal en Santiago e viu que o ilustre editor
estaba corrixindo as probas dos Seis poemas galegos, fixo un comentario nada
eloxioso sobre a incursión poética de Federico na literatura galega,
censurando estas poesías co seu escepticismo (testemuño oral de Avelino
Pousa Antelo, Santiago, abril de 1996).
Pero non compartían a opinión de Valle-Inclán os mozos escritores
galegos. Coñecían ben a xestación destas poesías e recibiron con balbordo
partidario esta orixinal achega poética. Así, tan axiña como se viron liberados
do duro traballo de propaganda e defensa do Estatuto de Autonomía, nas
eleccións, prestaron unha especial atención ós Seis poemas galegos, con
recensións críticas eloxiosas.
O día 12 de xaneiro de 1936, en La Voz de Galicia, facíao Antón Villar
Ponte, afirmando que estas poesías eran dignas do grande poeta que era
García Lorca.
Ánxel Fole, en «Lorca, poeta gallego» (El Pueblo Gallego, 1-2-1936),
describía:
«En Galicia ha pasado Lorca horas inolvidables y ha querido
hacer perdurable constancia de ellas, escribiendo estos versos de
‘Seis poemas galegos’, tan sentidos y delicados, en la vieja lengua
que ahora reverdece y vuelve a ser en sus mejores poetas, como
en tiempos de Airas Nuñez (sic), gracia ingenua y exquisito artificio.
Nunca agradeceremos bastante al alto poeta andaluz tan fino
presente».
O 26 de febreiro do mesmo ano, Roberto Blanco Torres (El País, 26-2-
1936), en «García Lorca en la poesía gallega: Seis poemas galegos», remataba
así o seu comentario:
«Agradecemos al poeta andaluz este regalo -triple regalo para
los ojos, para los oídos y para el alma- de sus versos en la mañana
primaveral de una Galicia que no quiere seguir muriéndose...».
169
Cito por Gibson, 1987, p. 413.
154