lorca

Blanco-Amor, para ir minando esta resistencia de Lorca, comprometeríao
ante os seus amigos galegos e non é de estrañar que fora idea de Eduardo
Blanco-Amor o retalo na prensa escrita, dando como realidade próxima a
publicación dos Seis poemas galegos. Así, a rev. Nós, no seu nº. de maioxuño
de 1935 anuncia os poemas 157 e o semanario Ser prevé que sairán o 25
de xullo, polas festas do Apóstolo:
«con todos os honores de bo gusto, de luxo e de exquisitez» 158 .
Álvaro Cunqueiro, pola súa parte, anúnciao en El Pueblo Gallego, o 13
de outubro 159 .
Blanco-Amor tería, pois, concertado con Ánxel Casal a publicación dos
poemas na Editorial Nós, e a Suárez Picallo, amigo e confidente, informaríao
da pronta edición dos mesmos. Por iso, cando Suárez Picallo redacta a nota
en Ser, o 30 de xuño, anunciando o envío dos poemas á Editorial Nós,
Eduardo Blanco-Amor está en Granada (21-xuño/20-xullo), na casa de García
Lorca, emprendendo a continuación unha viaxe por terras de Andalucía e
norte de África, e non volverá a Madrid ata o 3 de setembro.
Polo mesmo, Federico entregaríalle os poemas, como afirma Eduardo
Blanco-Amor no seu artigo en La Hora de Chile 160 , un día de maio de 1935,
na súa casa de Madrid e despois de lerlle Doña Rosita la soltera. Así, podía
explicarse que Blanco-Amor, como afirma, retivera os poemas un tempo,
co obxecto de ir dándolle a forma definitiva pero sempre gardando fidelidade
ó espírito lorquiano. E Suárez Picallo podía redactar a súa nota periodísitica
en Ser (tiña que ter a certeza de que se ían dar ó prelo), o 30 de xuño deste
mesmo ano 161 .
157
Números 137-8, maio-xuño de 1935 e 139-44, xullo-nadal de 1935. Vid. Landeira Yrago,
1986a, p. 141, nota 253.
158
A revista Ser remataba así o seu anuncio da próxima publicación dos Seis poemas galegos
de Federico:
«... Y van de epílogo, unas líneas -en gallego también- del propio García Lorca.
La Editorial ‘Nós’ –que en el pasado Día de Galicia diera a publicidad cuatro de nuestros
mejores libros– sacará este año la ‘plaquette’ del gran poeta andaluz, con todos los honores del
buen gusto, del lujo y de la exquisitez. Un regalo más de los muchos que ‘Nós’ lleva hechos a
nuestra cultura vernácula de la que es primer paladín».
(Vid. «Para el próximo Día de Galicia, Seis poemas gallegos del gran poeta andaluz Federico
García Lorca», Ser, 30 de xuño de 1935).
159
Cito por Landeira Yrago, 1986b, p. 52.
160
Vid. Blanco-Amor, 1948.
150