Premios a la Excelencia: camino de la V edición - CEO

Mundo empresarial
Talleres Craf inaugura instalacións
en León
• Francisco González, alcalde da Ribaseca, corta a cinta
inaugural en presenza de Elías Mera (no centro da imaxe)
e Jaime Pignatelli, director xeral de Renault
Trala apertura das novas instalacións no
polígono industrial de León, Talleres
Craf consolídase coma o distribuidor e
reparador autorizado de Renault Trucks para
as provincias de Ourense, Lugo e León. Un
exemplo, o de esta empresa, que mostra
como, grazas ó esforzo de moitos anos,
unha firma pode chegar a convertirse nun
referente no seu sector.
O acto de inauguración tivo lugar o pasado
27 de xuño, e contou coa asistencia de
autoridades como Jaime Pignatelli,
director xeral de Renault, e Francisco
González, alcalde da Ribaseca, localidade
onde se empraza o polígono.
Talleres Craf comeza a súa andadura
no ano 1979 ubicándose no polígono
Barreiros como taller independente.
Posteriormente, no 1993, pasa a ser
distribuidora de Renault Trucks, realizando
as actividades de venda e reparación de
vehículos industriais. A empresa segue
medrando, e en 1997 inaugúrase unha
nova nave no polígono de San Cibrao das
Viñas, ata que neste 2008 consolida a súa
presenza e León sustituindo as antigas
instalacións por outras renovadas e máis
amplas (12.000 metros cadrados, dos cales
3.000 son de construción).
Na actualidade, a empresa ofrece servizos
de mantemento, mecánica xeral, recambios
e accesorios, chapa e pintura, carrocería,
liña pre-itv... entre outros, para os que
conta con 42 empregados e puntos de
venda en Lugo e León.
Tomóvil ve novamente premiada a súa labor
Por cuarto ano consecutivo, o máis
importante recoñecemento de Ford, o
Chairman´s Awards, recae en Tomóvil
S.A., concesionario que foi galardoado
ininterrompidamente desde o 2004 con
este premio e, agora, na edición do 2007.
Por outra banda, Tomóvil recibiu ademais
os Premios á Calidade en 1994, 1995,
1998 e 2003.
O acto de entrega do Chairmn´s Awards
tivo lugar nas instalacións do concesionario
o pasado 27 de maio coa presenza de
José Manuel Machado, presidente e
conselleiro delegado de Ford España-
Iberia, ademais doutros directivos de Ford
España-Iberia e Ford Galicia, acompañados
polos responsables e traballadores da
concesión ourensá.
O Chairman´s Award é un galardón a
nivel europeo instituído por Ford Motor
Company que, na práctica, é o maior
premio que a dita marca concede á
súa rede de concesionarios oficiais.
Para realizar a selección, Ford ten en conta
o labor profesional desenvolvido polas
concesións en todas as áreas do negocio,
así como as máis altas cotas de satisfacción
da súa clientela.
O xurado deste premio está composto
polos propios clientes quen, a través
das respostas e opinións recollidas nos
cuestionarios de satisfacción da marca,
deciden que concesionarios ofrecen o
mellor servizo e, polo tanto, cales deben
ser acredores do Chairman´s Awards.
Os parámetros valorados inclúen tanto
a atención como a información, venda
e post-venda, mentres que o indicador
fundamental á hora de elixir os gañadores
é a porcentaxe de clientes que se declaran
‘completamente satisfeitos/as’.
• Ramón Outón, xerente de Tomóvil, posa por cuarto
ano consecutivo con este premio de Ford
8