Premios a la Excelencia: camino de la V edición - CEO

Mundo empresarial
Novo presidente
e xunta directiva de Aeva
• Durante a Asemblea levouse a cabo a votación de
nova xunta directiva
A Asociación de Empresarios de Valdeorras
celebrou recentemente a súa asemblea
anual marcada polo cambio na presidencia
e na xunta directiva.
O presidente saínte Santiago Melo
destacou, no seu último discurso
neste cargo, a importancia que vai ter
para a comarca a creación do Foro
Valdeorras século XXI para impedir a
discriminación e como voz única para
conseguir o crecemento da comarca.
Como mostra da importancia do Foro
subliñou o establecemento por parte da
Xunta de Galicia dunha discriminación
positiva coa comarca de Valdeorras en
subvencións e axudas do Igape cunhas
importantes vantaxes respecto a outras
zonas de Galicia. No eido de xestións coas
administracións Aeva seguiu promovendo
o desenvolvemento de solo industrial en
todos os municipios que teñan demanda
e, sobre todo, a mellora nos accesos
desde A Rúa á N-120. Como retos da nova
directiva señalouse a posta en marcha
e desenvolvemento do Plan Leader,
así como manter, e mesmo aumentar,
o prestixio que Aeva adquiriu ó longo
destes anos co rigor das súas propostas,
independentemente da cor política nas
distintas administracións.
Santiago Melo deixa a presidencia da
Asociación despois de dedicarlle oito anos
de xestións, aínda que permanece nunha
das catro vicepresidencias, e lle dá o
relevo a Javier Rodríguez Paradelo, un
xoven enxeñeiro técnico industrial formado
en Vigo, que actualmente é xerente de
dúas empresas ligadas á rehabilitación
e reformas de locais comerciais. A
xunta directiva complétase co cargo de
secretario, e dez vocalías.
Pilar Vila, nova presidenta dos pasteleiros
• Pilar Vila rexenta a pastelería Osi en Allariz
A Asociación Provincial de Pasteleiros
e Confiteiros de Ourense celebrou
o pasado 9 de xuño a súa asemblea
ordinaria. Na orde do día, o punto mais
salientable era a elección de nova xunta
directiva, o que significou tamén o cambio
na presidencia, que recaeu por maioría
absoluta en Mª Pilar Vila González, da
Pastelería Osi de Allariz. Deste xeito, deixa
o cargo de presidente Francisco Gómez
López, de Pastelería San Diego, que o
ocupou durante os últimos catro anos.
Pilar Vila, ligada á Asociación desde
hai máis de 16 anos, propuxo unha
xunta directiva na que xente nova
está moi presente -“para que entren
ideas innovadoras e distintas”, segundo
precisou- e que está formada por
Mª Belén Rodríguez (Arva) como
vicepresidenta, Martín Sousa (Milhojas)
como secretario, Mª José Cerviño
(Cerviño) é a tesoureira e como voceiros
participarán nesta nova directiva Mª
Cristina Vázquez (San Yago), Luis Prieto
(Primavera) e Luis Ramos (Couto).
Aínda que é a primeira vez que ocupa o
cargo nesta Asociación, Pilar Vila xa ten
experiencia coma presidenta noutra, pois
desenvolveu este cargo na de comerciantes
de Allariz no comezo desta década. A
intención desta muller vital e participativa
é a de comezar con proxectos novos
unha vez pase o período estival, e facer
participar neles a toda a Asociación.
6