Premios a la Excelencia: camino de la V edición - CEO

A nosa xente Tempo de Ocio Axenda
Margarita Díaz Pérez
Marga Díaz / Lince
Javier Outomuro
Restaurante A Taberna
Clownic e Xosé Manuel Budiño
Criouse na rúa do Paxaro, en pleno casco
antigo. Quedoulle así, unha debilidade
por as rúas de pedra que aínda perdura
nela cando reivindica melloras para o
casco histórico. Tras finalizar cuarto de
bacharelato comezou a traballar na empresa
familiar. Tiña 14 anos, “era tan nena”
di ela “que cando un mozo se poñía no
escaparate eu ruborizábame e rezaba para
que non entrara”.
Xa traballando rematou o bacharelato; co
tempo casou e tivo dous fillos que non
desexan continuar co negocio familiar,
cousa que non lle desgusta xa que “cada
un debe seguir o seu camiño” explica.
Recoñece que o traballo é máis duro
nas empresas familiares porque a
responsabilidade é maior e se traballa máis.
Nos 60 anos que levan abertos na rúa da
Concordia o trato familiar é unha constante:
“cando estás de cara ao público acabas
sendo confidente, asesor de imaxe e
amigo, ás veces ata me traen
agasallos”. As dúas tendas
dos pais convertéronse
en catro e volveron
a dúas ao se xubilar
o seu marido;
sempre próximos
ao cliente: “é un
orgullo comprobar
que os clientes se van
satisfeitos”.
Sempre lle gustou facer deporte: con 17
anos competía na 3ª división de fútbol e xa
antes, de rapaz, xogaba ao baloncesto. Hai
nada menos que quince anos que Javier
xoga ao tenis, incluso participa en torneos
a nivel provincial, como o do Bamio ou o
da Deputación, do cal resultou gañador o
pasado ano.
Procura practicar polo menos tres veces
á semana, para el isto é algo vital e se
tivese tempo para ir todos os días, faríao.
Pensa que hai que facer un esforzo para
organizarse correctamente e sacar tempo
para o ocio, este espazo é imprescindible
porque se trata ademais dunha vía de
escape: os problemas vólvense máis
liviáns cando se lles dá coa raqueta.
“Facer deporte só ten cousas positivas
–recoñece- a través del coñeces a
moita xente coa que despois te segues
relacionando e compartes bos momentos,
eu animo a todo o mundo a que practique
e intento compartir coa miña familia esta
filosofía”.
As súas fillas de seis e once anos, que
compiten en natación sincronizada,
teñen adestramento tres días á
semana, ao que acoden felices: “O
deporte fainas independentes e
proporciónalles unha desenvoltura
que outros nenos coa mesma idade
aínda non teñen”
Clownic e Xosé Manuel Budiño son dous
dos espectáculos máis salientables da
programación que Caixanova leva ás
comarcas da provincia.
A Compañía Clownic é a segunda
compañía de Tricicle. Creada inicialmente
en 1989 para as actuacións no estranxeiro,
desde 1998 mantén unha tempada regular
de actuacións pondo en escena as
obras anteriores de Tricicle. O próximo
16 de agosto poderán velos no Teatro
Lauro Olmo do Barco de Valdeorras
co espectáculo Sit, unha ficción sobre
a historia da cadeira na que o humor é
tratado desde o xogo escenográfico e
estético, incorporándoo ao seu habitual
traballo teatral de situacións cotiás, onde o
público se ve reflectido unha e outra vez.
E o domingo 17, no Pavillón dos
Deportes de Verín, o gaiteiro Xosé
Manuel Budiño deleitará coa súa
extraordinaria capacidade para abrirse
ás máis diversas e distintas influencias
sen esquecer a esencia das súas propias
raíces culturais. Notable polo brillo e
virtuosidade das súas execución, leva un
ascenso meteórico en termos internacionais
e alcanzou un prestixio que o levou a
integrar o reducido grupo dos Mestres
Solistas Europeos da Gaita, verdadeiros
expoñentes de excelencia artística.
29