Premios a la Excelencia: camino de la V ediciÃ³n - CEO

More documents

Recommendations

Info

Entrevista Álvaro Álvarez - Blázquez Fernández Director Xeral do Instituto Galego de Promoción Económica - Igape O máximo responsable do Igape, Álvaro Álvarez-Blázquez, vén de cumprir un ano ao fronte desta entidade, que promove e fomenta o desenvolvemento económico e empresarial de Galicia. Para tales propósitos, a entidade manexa modernas ferramentas co fin de cumprir o seus principais obxectivos: fomentar a creación de novas empresas, promover a mellora da produtividade e competitividade das sociedades xa asentadas na Comunidade Autónoma, atraer investimentos foráneos e facilitar a internacionalización do tecido produtivo. Tarefas, todas elas, orquestradas pola batuta deste vigués, cordial e agradable no trato, con ampla e brillante traxectoria nos eidos económico e empresarial. Licenciado en Ciencias Económicas e Empresariais pola Universidade de Santiago de Compostela, Álvarez-Blázquez é master en Dirección y Administración de Empresas pola Universidad Politécnica de Madrid, e en Dirección Financeira pola Escola de Negocios Caixanova. 14
Banco Atlántico e Sodiga (Sociedade para o Desenvolvemento Industrial de Galicia) forman parte da súa primeira etapa profesional, nas que desenvolve cargos de xefe comercial da área de empresas, e adxunto á dirección do departamento financeiro, respectivamente; ademais de actuar coma conselleiro en diferentes compañías participadas por Sodiga. Á súa actividade como consultor independente e directivo de diversas empresas lle seguiu a incorporación a Unilco como socio director para Galicia, para pasar á dirección xeral de Xesgalicia no 2002 (a sociedade xestora de fondos de capital risco da Consellería de Economía) desde onde deu o paso ao seu posto actual. PREGUNTA.- Cumprido un ano ao frente do Igape, ¿en que medida considera que se sentaron as bases para novos proxectos que incidan positivamente na economía galega? RESPOSTA.- A política económica do Goberno actual decidiu facer unha aposta clara pola I+D, polas novas tecnoloxías, polas enerxías renovables e pola promoción do coñecemento no mundo empresarial. Creo que, na actualidade, temos exemplos de novos proxectos onde quedan de manifesto estas novas orientacións económicas. Algúns dos proxectos máis salientables están precisamente en Ourense, como é o caso de T-Solar Global. P.- ¿En que centra actualmente as súas principais actuacións o Igape? R.- De acordo cos seus eixos estratéxicos, o Igape promove os investimentos empresariais mediante axudas especialmente competitivas para procurar contrarrestar a actual tendencia á desaceleración económica; ofrece alternativas asociadas a ferramentas como as garantías ou o capital risco para acceder ao financiamento. O Instituto tamén prioriza os apoios a proxectos orientados a mellorar a competitividade das empresas galegas, e favorece especialmente as iniciativas de carácter colectivo, impulsadas por agrupacións empresarias ou organismos intermedios en beneficio de colectivos de empresas. Ao mesmo tempo, o Instituto considera fundamental a conquista de novos mercados para os produtos galegos, e por iso completou o seu abano de apoios coas bases específicas para apoiar a internacionalización; estas bases abren novas posibilidades para favorecer a implantación comercial das empresas galegas nos mercados internacionais máis dinámicos. P.- ¿Que sectores considera o Igape prioritarios para un mellor desenvolvemento da economía galega? E na provincia ourensá, ¿cales son os que deberían potenciarse para colaborar no seu crecemento económico? R.- Son moitos e moi diversos os sectores de actividade con futuro en Galicia. Con máis futuro na medida en que apostan de forma máis decidida pola innovación tecnolóxica e a mellora continua; neste aspecto, o da pizarra, en Ourense, é un bo exemplo. En Galicia hai un tecido produtivo moi diversificado. En sectores punteiros e con alto potencial de crecemento como as TIC, a automoción, as enerxías renovables, o audiovisual ou o téxtil hai dinamismo, tanto no aspecto investidor como no exportador. En Ourense hai iniciativas exemplares en moitos destes sectores. Os casos de T-Solar e Cedisolar no eido das enerxías renovables son especialmente significativos, pero poderiamos citar moitos máis. Por outra parte, nas actividades ligadas ao agro, Ourense dispón dun gran potencial nas cadeas de xeración de valor na industria agroalimentaria. Coren, por unha banda, e a industria do viño, por outra, son exemplos destacables. Ourense tamén dispón de extraordinarios recursos naturais e culturales, e está sabendo reforzar a actividade turística de xeito excelente. “O Instituto favorece especialmente as iniciativas de carácter colectivo, impulsadas por agrupacións empresarias ou organismos intermedios en beneficio de colectivos de empresas” P.- ¿En que considera que destaca o empresario ourensán? ¿Recibe o Igape iniciativas e mprendedoras e proxectos empresariais interesantes dende a nosa provincia? R.-O empresario ourensán é emprendedor, 15
Page 1 and 2: 14 Entrevista Álvaro Álvarez-Blá
Page 3 and 4: Editorial Confianza, a pesar de la
Page 5 and 6: • Como cada año, el empresariado
Page 7 and 8: Os empresarios de San Cibrao concre
Page 9 and 10: Talleres Viper se muda al Polígono
Page 11 and 12: INVESBANG celébrase por vez primei
Page 13: Un rally histórico • Días antes
Page 34 and 35: Empresa tradicional Ferretería El
Page 36 and 37: Empresa tradicional • Fachada de
Page 38 and 39: Nuevos asociados Con motivo de las
Page 40 and 41: Asociaciones, una a auna • La cal
Page 42 and 43: Rincones con encanto O Retiro do Co
Page 44 and 45: Tendencias Saúde De viaxe Un libro
Page 46: Café con… Flavio Morganti Restau

Premios a la Excelencia: camino de la V ediciÃ³n - CEO

Create successful ePaper yourself

Delete template?

Save as template?