Premios a la Excelencia: camino de la V edición - CEO

Mundo empresarial
Mercando en espazos de
lecer e diversión
• Os postos dos comerciantes saen á rúa os
venres cun amplo horario
• As actuacións na rúa (na imaxe o Mago
Teto) son un atractivo máis desta campaña
Tras atravesar momentos de incerteza,
a Asociación de Empresarios do Ribeiro
retomou con forza a súa actividade coa
chegada dunha nova directiva que asumiu
como principal reto o de consolidar o
comercio local para garantir a puxanza da
comarca. Así, facendo partícipes a veciños
e visitantes da fermosa vila de Ribadavia,
a Asociación, co apoio da Confederación
Empresarial, puxo en marcha a campaña
‘Xente na rúa’, iniciativa que coloca na
Praza de San Xoan os postos de venda dos
comerciantes durante tódolos venres dos
meses de xullo e agosto.
O pasado 4 de xullo comezaba este
proxecto, que ademais de converter a
praza nun mercado ó aire libre, dedicou
ós nenos as actividades do día da
inauguración cun orixinal contacontos a
cargo de Maria Lado, que puxo a nota
de fantasía e ilusión para os máis cativos
da bisbarra. Coa intención de mesturar
este mercado con actividades de lecer, os
venres programados terán lugar diferentes
espectáculos para nenos e adultos que
amenizarán a paseantes, compradores
ou turistas que se acheguen a
Ribadavia.
As distintas actividades que se proxectan,
cun horario de 11 a 14.30 e de 19 a
23 horas, pasan pola realización dunha
andaina con saída e chegada na
zona histórica, a concentración de
automóbiles clásicos, actuacións
musicais e outras de animación...
coa finalidade de engadir un elemento
lúdico-cultural á celebración do mercado,
e que deste xeito o Ribeiro se convirta
nun referente comercial onde mercar con
calidade. Achegar o turismo á vila por
medio de iniciativas deste tipo, é tamén un
dos obxectivos da campaña, que pretende
así crear espazos para a diversión no
marco do comercio local, engadindo
un aliciente máis para que os visitantes
se aproximen á vila e gocen dos seus
produtos, as actividades e a riqueza
histórica, cultural e natural da vila e o
entorno.
12