Premios a la Excelencia: camino de la V edición - CEO

Mundo empresarial
O polígono de Nogueira,
cada vez máis preto
• Os membros da Asociación reuníronse nun dos salóns
do Parador
A loita por conseguir un polígono industrial
para a bisbarra foi unha das razóns que
impulsou a creación da Asociación de
Empresarios de Nogueira de Ramuín
(A.E.NO.R.) os membros da cal recibían
con expectación, fai algo máis dun mes,
o anuncio do desenvolvemento deste
proxecto por parte da Consellería de
Vivenda. Ata o momento, os empresarios
decidiran adiantar o diñeiro das súas
parcelas -comprometendo máis da metade
do polígono- para que as obras puidesen
dar comezo, contando co apoio do
Concello de Nogueira e a Deputación de
Ourense.
A necesidade de expresar, cunha soa voz,
esta demanda conxunta fixo nacer esta
Asociación fai pouco máis de dous anos,
para que proxectos como este se fixesen
realidade. Cada vez máis preto de logralo,
o polígono de Nogueira está pendente
agora do ditame da Dirección Xeral
de Urbanismo, unha vez a Consellería
decidiu redactar o proxecto.
Este anuncio centrou parte da Asemblea
Xeral que o colectivo levou a cabo no
Parador de Santo Estevo a finais do mes
de xuño, acto no que o seu presidente,
César Branco, repasou as actividades e
contas da organización do pasado ano,
presentando ademais os presupostos para
este 2008. Blanco destacou, entre outras
cousas, a finalización da páxina web da
Asociación, o interese de seguir medrando
coma organización, así coma as xestións
feitas coas administracións de cara á
consecución do polígono, e con Fomento
para defender o trazado máis axeitado da
futura A-76, para que se teña en conta o
Concello de Luintra no seu percorrido.
O presidente da Confederación
Empresarial, Francisco Rodríguez,
participou no peche da Asemblea
xunto a José Luis Baltar, presidente
da Deputación, quen se encargou da
clausura. Ao termo, e como vén sendo
xa habitual dende a súa fundación, os
máis de 60 membros que conforman a
Asociación volvéronse reunir nunha cea
nos espectaculares comedores do Parador.
Sorteos e festa no comercio
carballiñés
• Cartel promocional da campaña de verán no
Carballiño
Un ano máis, a Asociación de
Comerciantes de Carballiño organizou
este verán unha campaña comercial para
fomentar a compra nos establecementos
da vila, tras o éxito alcanzado nas dúas
edicións anteriores.
Dende o pasado 6 de xuño e ata o 29
de agosto, todo aquel que realice unha
compra nos máis de 110 establecementos
participantes nesta iniciativa, recibirá un
boleto no que se oculta unha letra, que
quedará á vista tras resgar a superficie da
papeleta. O cliente deberá así xuntar todas
as letras da palabra ‘ruleta’, o que lle dará
dereito a efectuar unha tiraxe con premio
seguro no panel electrónico que, de
forma aleatoria, reparte os máis de 3.000
regalos deste sorteo.
Ordenadores portátiles, televisores de
plasma, Wii, reprodutores mp4, viaxes
ao estranxeiro e un cruceiro polo
Mediterráneo, son algúns dos premios
destacados desta campaña, que este ano
tira a casa pola ventá para que veciños e
visitantes comproben, en primeira persoa,
as vantaxes de comprar no comercio
local. Aínda son moitos os regalos que
non atoparon dono, e case un mes o que
queda por diante para visitar esta fermosa
vila e probar sorte nesta ruleta.
Como vén sendo xa habitual, a campaña
de verán dos comerciantes péchase coa
Festa do Comercio, que se celebra a
comezos de setembro. Esta celebración,
ademais de poñerlle broche de ouro á
iniciativa, serve para homenaxear a un
empresario ilustre da zona, que recibe o
Premio Azougue, figura representativa do
deus romano do comercio realizada pola
artista carballiñesa Rebeca Perea.
10