IDAZ-LAN GUZTIAK - Euskerazaintza

ARTE-IZTI : ESTETIKA 4|1
du oiñaze-keiñurik egiten —gero, Hernandez'en Gorputz minberak egingo
duan oiñaze-keñurik—. (Ikus Kalahorrako monja karmelitana).
Antxieta'ren irudiak ez dute galtzen beren izaera grazidunik, ezta
Nekaldi Pasioaren ordurik garratzenetan ere. Antxieta'ren Kristoak berak,
neke bai, naigabe bai, ba dute; bañan beti ere etsi-egoera ederrean...
INDARRA
Indarra, bañan graziaren barruan. Gorputz egokiak, gorputz atletikoak
Antxieta'renak. Indarra bai, bañan ez indar leertua, indar astindua;
indar ezkutu, indar eutsi, "tentsio" duna —zañak tentsioan : lepazañak,
besazañak, iztarzañak tentsioan—; leertzeko zorian, bañan leertu
gabe, eztanda-bearrean, bañan eztanda egin gabe.
Orrela Jesus'en Pasio-Nekaldian borreroak eta gudariak. (Ikus Gasteitz'en).
Jesus'ek berak ere neke bai, naigabe bai, bañan elegante. (Ikus Jesus'en
zatikada Gasteitz'en).
Ikus gañera, Oyartzun'go Sagrarioko Isaak'en Oparia: aita Abrahan'ek
matxete txarraska izugarria aidean, bañan utzitasun elegante batean;
seme Isaak'ek, berriz, lepoa tentsio apal batean eskeintzen, matxetearen
kolpeari. Orren aldean oso bestelakoa bait da Isaak'en oparia
Valladolid'eko Berrugete'renean; ango aitaren garraisi ukigarria, Antxieta'ren
min ixillaren aldean: min ixil, min sakatu, min itxaropendun;
bañan, batez ere, semearen lepo-makurtze heroiko-heroikoa...
JANTZIAK
Gure Antxieta, Migel Angel bezela, giza-gorputzaren, giza-anatomiaren
adoratzalle-adoratzalle da. Eta orregatik, gorputzeko jantziak egin
bear dituauean ere, jantziaren azpitik gorputzaren anatomia ausarki markatzen
du : belaunak batez ere gorputzaren ibillian.
Bañan ortan ere Platereskotik bereizten da. Platereskoak jantziaren
tolesak, ugariak egiten ditu, jantziak, sedazkoak edo zapi mee-meezkoak
bait lirean. Antxieta'ren jantziak oialezkoak dira, oial gozo, gorputza
gozo markatzen dutenak, ez zapi mee. Ikus Zumaya'ko San Pedro eseria,
belaun-aldea gozo markatua, jantzi oparo, egoera 'patxarakoa...