IDAZ-LAN GUZTIAK - Euskerazaintza

ARTE-IZTI : ESTETIKA
ai
ARTE EDER
ARTE EDER ESTATIKO
ESKULTURA - PINTURA
I
IKASGAIA
ONARRI-ITZAK
Eskulturak, pertsonaen antz-irudiak egiten ditu, batez ere.
Pinturak ere, berdin.
Pertsonaen eta "gauzaen" antz-irudiak.
Biok, Arte ederrak dira. Arte Eder "Estatikoak" "Plastikoak". (Bai
bait dira Arte Eder "Dinamikoak" ere; gauza ederrak "ibillian" egiten
dúuztenak: Dantza, Musika, Bertsolaritza...). Estatikoak, gauza ederrak
"egonean" egiten dituzte: Arkitektura, Eskultura, Pintura.
Arkitektura, leendik aipatua degu.
H= * *
Gizona bere izatez egi-zale dan bezela, neurri berean "eder-zale" da
—areago ez bada—. Eta ari berean, baita "Arteeder-zale" ere. Eskultura-
-zale eta Pintura-zale.
Gizona, aspaldi-aspaldidanik —asieratik, esango genduke— Pintura-
-zale azaltzen zaigu. Orain zortzi-amar milla urteko Santimamiñeko kobako
marrazkiak, testigu. Eta berdin, baita, Altxerri'koak ere, eta Ekain'
goak; eta, areago bear bada, gure auzoko Altamira'koak. Bide beretik
ikusten degu gertatzen dala umetxoekin ere: burua pixka bat argitzen
asten zaien bezain ilaister, asten dirala umeak "marrazkiak" egiten, txiki-txikitandik,
biziaren asierañk.
Gauza bera gertatzen bait da Eskulturarekin ere: Ixturitz'ko kobaetako
gizona, Eskultore azaltzen zaigu, Pintorez gañera; eta umeak berak
ere edozer itxurako gauzetan bereala asten dira giza-iduriak-eta ikusten,
eta buztiñez-ta giza-irudiak egiten.
Oso berezkoa du, bai, gizonak, Arte Ederretan "artista" izatea.