Descargar - InvestigacionesHistoricaseuroAsiaticas-IHEA.com

Et si aliquae speciales personae eidem Domino Episcopo detinerent vel
occuparent possessiones, vineas, campos, prata, vel alia bona mobilia vel
immobilia; idem Dominus Episcopus possit eas et ea petere et requirere coram
Dominio Tergestino, confitens et asserens Dominus Episcopus memoratus, quod
de jam dictis juribus superius nominatis nullam donationem vel alienationem, seu
concessionem fecit alicui personae, aliquo ingenio, sive causa vel animo.
Quod si contrarium appareret, teneatur dictus Dominus Episcopus ad poenam
infrascriptam et nihilominus suprascripta et infrascripta firma permaneant.
Revocavit insuper Dominus Episcopus memoratus omnes processus, quos fecit
contra Capitulum, et Clerum, et Commune ac homines Tergestinae Civitatis et
Dioecesis, et omnes et singulos eorum, cassans et irritans instrumenta,
scripturas, et omnia jura quae apparerent exinde, promittens dictus Dominus
Episcopus de consensu et voluntate Dominorum Henrici Decani, et Capituli
Ecclesiae memoratae dicto Sindico et Procuratori, sindacario et procuratorio
nomine supradicti, stipulanti et recipienti dictam locationem, concessionem, et
consensum, et praedicta omnia et singula dictis Communi et hominibus de
Tergesto rata et firma habere et tenere, attendere et observare, defendere et
manutenere, et non contravenire vel facere, seu movere per se vel per aliquam
aliam personam interpositam aliquibus nomine, exceptione, vel modo, ingenio,
sive causa, sub poena tercentarum Marcharum denariorum novorum,
Aquilejensis vel Tergestinae monetae, quod toties peti possit et exigi cum effectu,
quoties contrafactum fuerit, poena quoque soluta vel non, suprascripta et
infrascripta nihilominus in sua permaneant firmitate.
Juraverunt insuper dictus Dominus Episcopus, in suam animam sibi praepositis,
ac Dominus Sindicus et Procurator in animas praedictorum Consulum Consilii et
Communis, ac suam, tactis Evangeliis Sacrosanctis praedicta omnia et singula
rata et firma habere et tenere, et non contravenire occasione aliqua vel
exceptione.
Obligans dictus Dominus Episcopus jam dicto Sindico et Procuratori stipulanti et
recipienti sindacario et procuratorio nomine supradicto, omnia bona et jura sua et
Episcopatus sui, quae si contrafaceret, ipsi Commune et homines sua propria
auctoritate intromittere, tenere, ac possidere valeant absque licentia, judicio, vel
requisitione alicujus Dominii, seu Judicis Ecclesiastici, vel Saecularis, omnisque
alterius personae contradictione remota, usque ad integram solutionem et
satisfactionem omnium praedictorum, quae bona et jura dictus Dominus
Episcopus praecario jure, se ipsorum nomine, possidere concessus est, si contra
praedicta vel aliquod praedictorum faceret, vel veniret.
Renuntians dictus Dominus Episcopus exceptioni indebiti, sine cansa vel ex
injusta causa in factum actioni omnique juri et legum decretalium, seu
decretorum auxilio, constitutionibus, consuetudinibus, litteris in Romana vel
qualibet alia Curia impetratis vel impetrandis, vel cujuslibet alterius.
Ego Henricus Imperiali auctoritate Notarius his interfui et rogatus scripsi.
123