Descargar - InvestigacionesHistoricaseuroAsiaticas-IHEA.com
Descargar - InvestigacionesHistoricaseuroAsiaticas-IHEA.com
Descargar - InvestigacionesHistoricaseuroAsiaticas-IHEA.com
Create successful ePaper yourself
Turn your PDF publications into a flip-book with our unique Google optimized e-Paper software.
ANEXO E<br />
Problemas de fronteras entre el Comune de Trieste y los Señores de Duino.<br />
10 de junio del año 1139, Indicción II. Trieste.<br />
In Nomine Domini Nostri Jesu Christi. Anno vero ab incarnatione ejusdem<br />
MCXXXVIIII. Regnante Domino Nostro Conrado. Tergesti, die X exeunte Junio,<br />
Indictione secunda.<br />
Cum Lis et Contentio esset inter Commune Tergestinae Civitatis et Dominum<br />
Dieltamum de Duino pro confinibus territorii ejusdem Civitatis Tergesti.<br />
Conquerebatur, quod idem Dieltamus excessisset fines suos, et intromisisset de<br />
territorio eorum. Et ipse Dieltamus similiter conquerebatur quod Tergestini<br />
intromisissent de territorio suo. Tandem Dominus Dietmarus Tergestinus<br />
Episcopus, de <strong>com</strong>muni utriusque partis voluntate, locavit terminum unum inter<br />
eos in loco qui dicitur Licusel in quo cum utraque pars venisset et diu super<br />
tenuta et possessione litigasset; in fine Ripaldus Gastaldio praedictae Civitatis<br />
Procurator Communitatis cum duodecim bonis hominibus recordantibus, nomina<br />
quorum scribentur inferius, probavit, quod territorium et possessio Comunitatis<br />
Tergestinae Civitatis erat a Carraria quae vadit ad portum de Sistigliano versus<br />
Longheram sicut vadit via publica ultra Venam, totum versus mare tam pascua<br />
quam silvae et quicquid inter hos fines continetur. Ita quod Domino Dieltamo nec<br />
alicui alio aliquid pertinet intra praedesignatos confines.<br />
Et si ipse vel alius aliquis aliquid habet ibi, a Civitate Tergestina habuit, et<br />
etiam quaedam pars Ecclesiae Sancti Johannis de Tuba jacet super terram<br />
Sancti Justi, unde praedicta Ecclesia Sancti Johannis tenetur solvere omni anno<br />
Canonicis Tergestinis, nomine census, medietatem oblationis quae venit in festo<br />
Sancti Joannis ad maiorem missam.<br />
Haec omnia juraverunt et probaverunt vera esse praedicti recordantes, scilicet<br />
Vincentius Judex, Aymo Judex, Adalgerus Judex, Tefanius de Martino,<br />
Remenardus, Bonifacius, Ripaldus filius Leonis, Azo de Of, Of frater ejus, Amizo,<br />
Vitalis filius Zinisini, et Voldricus filius Preroz. Quod vero cum ita factum fuisset,<br />
praenominatus Dieltamus promisit quod de coetero se non intromitteret de<br />
praedesignato territorio.<br />
Et praedictus Ripaldus Gastaldio pro Communi de Tergesto promisit similiter,<br />
quod ultra hoc, quod designatum est superius, se non deberet intromittere.<br />
Praenominati vero Dominus Episcopus, ad hoc ut de coetero non cresceret inter<br />
eos contentio, posuit inter eos poenam ut quaecumque pars intromitteret ultra<br />
praedesignatos confines, subjaceret V. lib. optimi auri et haec omnia nihilominus<br />
perpetuam obtineant firmitatem. Actum in loco quod dicitur Licusel. Testes vero<br />
rogati fuerunt Vodolricus Tergestinus Locopositus, Bonifacius Caprensis<br />
Locopositus, Almericus Viced., Engelpertus Miles, et alii multi; et ut haec firmius<br />
credatur a posteris, prefatus Dominus Episcopus sigilli sui impressione fecit<br />
muniri.<br />
Ego Voldericus Tergestine Civitatis Tabellio interfui et jussu Domini Dietmari<br />
Episcopi, et a partibus rogatus, hanc cartulam propria manu scripsi <strong>com</strong>plevi et<br />
roboravi.<br />
113