Publicaziuns ufficialas dils 05-04-2013

Administraziun communala
Gemeindeverwaltung
Publicaziuns ufficialas dils 05-04-2013
Damonda da baghegiar
Nr. 16/2013
Datum da publicaziun: 05-04-2013
Patrun: Maissen Adelrich artavels, p.a. Maissen-Deplazes Luisa, 7173
Surrein
Representant:
Object:
Tomaschett/Alig, 7130 Glion
Sanaziun externa dalla casa nr. 368A (nova isolaziun e
remplazzar las finiastras) e construcziun d'ina garascha nova vid
la casa sin parcella nr. 823 a Surrein-Fontanetta.
Ils profils ein tschentai ed ils plans da construcziun ein deponi tier la canzlia commu-nala.
L’investa publica cuozza 20 dis dapi il datum da publicaziun.
Eventualas protestas encunter sura damondas da baghegiar ein d’inoltrar alla cumissiun da
baghegiar Sumvitg enteifer 20 dis dapi il datum da publicaziun.
Sumvitg, 05-04-2013
Cumissiun da baghegiar
Candidats proponi per elecziuns communalas
(perioda d’uffeci 2013–2016)
Tenor art. 22 dalla lescha da votaziuns ed elecziuns ein las suandontas candidaturas
vegnidas annunziadas entochen ils 15 da mars alla canzlia communala. La successiun dils
nums sepresenta cheu sut sco previda ella lescha tenor alfabet.
President communal
Candinas Armin, Rabius (niev)
Giger Retus, Surrein (niev)
Geraus
Bearth Giusep, Sumvitg (veder)
Candinas Robert, Rabius (niev)
Deplazes Ignaz, Surrein (niev)
Duff Marcus, Cumpadials (niev)
Cumissiun da quen e gestiun
Bearth Rest Andriu, Sumvitg (veder)
Cajacob Claudio, Surrein (veder)
Cathomas Ciril, Cumpadials (veder)
Cumissiun da baghegiar
Bundi Martin, Sumvitg (veder)
Flepp Felix, Surrein (niev)
Tuor Bernard, Sumvitg (veder)
Tuor Eduard, Rabius (niev)
Sumvitg, 05-04-2013
Suprastonza communala

Votaziuns communalas /
Elecziuns communalas 2013 (1. scrutini) dils 14 d'avrel 2013
L’urna ei aviarta (en canzlia communala)
gievgia e venderdis mintgamai duront las uras da spurtegl
dumengia, ils 14 d'avrel 2013, dallas 10.00 – 11.00 uras
- 2 -
Sonda e dumengia, ils 13 e 14 d'avrel 2013 mintgamai avon il survetsch divin en las
fracziuns sin plaz cadruvi.
Ils cedels da votar ein vegnir distribui. Tgi ch’ei eventualmein aunc buca en possess da
tals ei supplicaus da s’annunziar tier l’administraziun communala.
Adatg!!!
Il certificat da legitimaziun ei adina da presentar. Tier votaziuns cun posta ei il certificat da
legitimaziun da suttascriver. Senza suttascripziun ei la votaziun nunvaleivla. Nus supplichein
da consultar las informaziuns che Vus anfleis sin la cuviarta e sin il certificat pil dretg da votar.
Vignettas da mopeds
La vignetta da mopeds 2013 sa vegnir retratga tier l'administraziun communala. La taxa munta
frs. 50.--.
Sumvitg, 05-04-2013
Administraziun communala
Serrada via Val Sumvitg
Ord motivs da segirtad resta la via Val Sumvitg serrada naven d’immediat sil tschancun da Val
anen per tut traffic.
Sumvitg, 05-04-2013
Departament stradal
Lenna da brisch 2013
La vischnaunca da Sumvitg offerescha a vischinas e vischins la cumpra da lenna da brisch
sco suonda:
Pégn
Igniu 55.00 frs./m 3
Ogna
Falens
60.00 frs./ster
Ils prezis secapeschan excl. taglia sin plivaleta. Cundiziuns da pagament ein 30 dis netto.
Bugen offerin era lenna resgiada, fendida e transports tochen a casa. Interessents san
annunziar lur empustaziuns a scret agl Uffeci forestal Sumvitg, 7175 Sumvitg, ni e-mail:
uffeci.forestal@sumvitg.ch, ni per telefon (081 943 19 77/ 079 681 19 67). Las
empustaziuns ston succeder entochen sil pli tard ils 5 d’avrel 2013.
Bien engraziament per Vossa empustaziun!
Sumvitg, 05-04-2013
Il selvicultur da revier
Quadras su 5 Tel 081/920 25 00
7175 Sumvitg Fax 081/920 25 08

- 3 -
Uniun purila Sumvitg
Invit alla radunonza generala
Mesjamna, ils 10 d’avrel 2013 allas 20.00 ell’ustria «Miraval» a Sumvitg.
Tractandas:
1. Beinvegni ed appel
2. Elecziun da dumbravuschs
3. Prelecziun ed approbaziun dil protocol
4. Rendaquen e rapport dils revisurs
5. Rapport dil president
6. Elecziun dil president e dils revisurs da quen
7. Mutaziuns
8. Program da lavur
9. Orientaziuns
10. Varia
A stedia participaziun envida cordialmein la suprastonza
Corporaziun d’aua e glisch Rabius
Radunonza generala
Venderdis, ils 20 d’avrel 2013 allas 20.00 el hotel «Greina».
Tractandas:
1. Beinvegni
2. Perstgisas, gliesta da tractandas
3. Elecziun da dumbravuschs
4. Prelecziun protocol radunonza generala 2012
5. Rendaquen e rapport dils revisurs
6. Rapport dil president
7. Elecziuns: cassier, actuar
8. Orientaziuns: aquaduct, illuminaziun
9. Finanzas:
credit lingia d’aua Luven,
credit cazzola nova (Bobbahn)
e via cantunala Luven/Runs
10. Varia
Cordialmein envida la suprastonza
Beach Sport Plaun Petschen, Cumpadials
Radunonza generala
Venderdis, ils 12 d’avrel 2013 allas 20.00 ell’ustria «dalla Staziun», Sumvitg/Cumpadials
Tractandas:
1. Beinvegni
2. Elecziun da dumbravuschs
3. Prelecziun ed approbaziun dil protocol
4. Rapport dil president
5. Rendaquen e rapport dils revisurs
6. Fixar contribuziuns annualas
7. Program da lavur 2013
8. Orientaziuns
9. Varia
Cordial invit a commembras e commembers sco era interessents che vulan daventar
commember dall’uniun. La suprastonza
Quadras su 5 Tel 081/920 25 00
7175 Sumvitg Fax 081/920 25 08

- 4 -
Concert communabel
Chor viril Sagogn direcziun Fina Blumenthal e Chor mischedau Rabius direcziun Gabriel
Derungs. Sonda, ils 6 d’avrel 2013 allas 20.15 a Rabius, sala da scola. Suenter concert stiva
da caffè. Nus fagein a tuts in cordial beinvegni, Vossa viseta legra nus zun fetg. Chor viril
Sagogn e Chor mischedau Rabius
Societad da musica Surrein/Rabius
Concert annual
Sonda, ils 13 d’avrel 2013 allas 20.00 en casa da scola a Surrein, silsuenter stiva da caffè e
bar. Dumengia, ils 14 d’avrel 2013 allas 16.00 en casa da scola a Surrein. Cordial beinvegni!
Uniun samaritana Sumvitg
Igl exercezi meinsil digl avrel ha liug mardis, ils 9 d’avrel allas 20.00 el local samaritan a
Rabius.
Gentar communabel (meisa da miezdi) dalla Pro Senectute a Sumvitg/S.
Benedetg
La Pro Senectute Surselva organisescha ensemen cull’ustria «Miraval» a Sumvitg/S.
Benedetg mintgamai il venderdis in gentar communabel per las senioras ed ils seniors dalla
vischnaunca da Sumvitg e contuorn. Intent dalla meisa da miezdi duei esser da promover la
cuminonza denter las persunas che gaudan la pensiun. Plinavon dat ei la pusseivladad
d’embellir quell’occasiun tenor giavisch cun dar giugs, referats, discussiuns ni semegliontas
occurrenzas.
Liug: ustria «Miraval», 7175 Sumvitg/S. Benedetg
Datum: venderdis, ils 12 d’avrel 2013 allas 12.00
Prezi: frs. 18.– per persuna cumpriu gentar, ina bubronda, dessert e caffè
Annunzias ein da far entochen mesjamna sera tier l’ustria «Miraval», Olivia Decurtins-Giger,
081 936 32 00 ni 079 663 32 00.
Quadras su 5 Tel 081/920 25 00
7175 Sumvitg Fax 081/920 25 08