FRAGMENTO
FRAGMENTO
FRAGMENTO
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Horizontes del saber I<br />
May unay ñawpaqkunaraqsi, Lambayeque suyupa chalankunamansi<br />
achka wamp’ukuna chayasqa. Chay wamp’ukunapa umalliqninsi huk<br />
hatunkaray runa Naylamp sutiyuq kaq kasqa, warmintaqsi Ceterni sutiyuq<br />
kasqa. Paykunaqa achka soldadoyuqtaq achka kamachinpi puriqniyuqtaqsi<br />
chayamusqaku. Huk willakuymi kan, chaymi paykunamantaqa kayhinata<br />
nin: Naylampqa, chay hamuysiq runankunapas “hatunsi sayayninmanqa<br />
kasqaku, q’illu chukchayuqtaq, anqas ñawiyuqtaqsi” kasqaku.<br />
Chayraykutaqmi runaqa nin “chaykunaqa Europa allpakunamanta qallariy<br />
pachapi kay Hurin Americaman chayamuqkunam kanman” nispa.<br />
Chay wamp’ukunaqa Faquisllanga sutiyuq mayupa punkunpis sayanman<br />
karqan, chay hawataq kunanqa Lambayeque sutiyuq qhipapun.<br />
Kay chayraq chayamuq runakunaqa 2 waranqa thatkiyta puririspa chaypi<br />
tiyananku wasitapas, apunku Chot sutiyuqpa wasintapas hatarichinku.<br />
Chay wasipis huk much’ana wakata sayachinku, chay wakaqa Naylamp<br />
umalliqpa rantinsi, ichaqa sutiyasqakutaq “Yampallec” nispa. Kay<br />
sutimantas Lambayeque simiqa ñuqanchikkama hamun.<br />
May ñawpaqmantaraq, Jesucristomantapas 9 pachak wata ñawpaqraqsi,<br />
chay allpapiqa reino Sican sutiyuq hatun munayniyuqkunata Naylampqa<br />
paqarichisqa. Kay sapan kamachikuq runa wañuptinsi wawankunaqa<br />
“apum taytanchikqa” nispa kamachikusqaku. Paykunas runamanqa nisqaku<br />
“Naylampqa wiñay wiñaypaq mana wañuqmi, payqa hatun rapranta<br />
maywispam hanaq pachaman rin” nispas rimasqaku.<br />
Naylamp sutiyuq runapa chay panaka paqarichisqanqa chay Lambayeque<br />
qhapaq yunkakunapis waranqa tawa pachakniyuq watakunakama<br />
kamachikusqaku. Qhipamansi chay allpakunapiqa Chimú kallpasapa<br />
runakuna atispa chaykunapi kamachikapusqaku.<br />
49