FRAGMENTO

Horizontes del saber I
Puka bufeomanta llulla
kawsasqa
Amazonas sutiyuq yunka allpakunapim yuraq puka delfintaqa puka bufeo
sutiwan riqsillankutaq. Kallantaqmi huk llimp’iyuq delfinkunapas, hukmi kan
uqiman rikch’akuq.
Llulla kawsaymi kallantaq, chaypim bufeoqa ñawpa machuman tukuspa
rikhurimun. Chay bufeoqa rinkuman kutispas munay sipas warmikunata
maskan. Rinkuman rikch’akuspas kusikuy wasikunaman qhawarikusqan
sipaskuna maskaq rin. Chay rinku runaqa tususpa tususpas sipasta
rimapayakun, huk runakunamantaqsi machanata aypachin, chaykunata
ruraspas llapan runakunataqa yukan. Payqa manataqsi mikhunpaschu,
manataq machanpaschu. Machanman chaypachaqa layqasqas
chinkanman, chayraykutaq paytaqa pichus maychus kasqanta tarinkuman.
Bufeoqa, rinkuman rikch’ayniyuq kaspa ña huk sipaswan munachikuspa,
paymanqa imaymana mañakusqanta qun, munasqantataq ruran.
Chay sipastaqa sapa ch’isin watun, manaraq paqariynintañataq ripun.
Chay sipasqa pisi pisimantas huk niraq puriykachayta qallarin. Payqa mayu
patallapis maykamapas qhipayta munan. Chay sipaspa unquynintaqa huk
allin yachaq chamansi hampiyta atin, pachanpi mana hampisqa kaspaqa
mayuman wisch’uykukuspas huktawanpas mana kutimunmanñachu.
Chay rinku uyayuq puka bufeopa tuta qullqi apaykachasqanqa manas
qullqichu kanman, tutaqa qullqimansi rikch’akun, p’unchaw allin
qhawaykusqañataqsi chayqa sach’akunapa mullpha rapillan.
Rimakullantaqmi, china bufeokunapas kallantaqsi. Bufeokunaqa
wamp’upiraqsi yunkapa hatun mayunkunapi tutantin puriykachanku.
190