FRAGMENTO

Horizontes del saber I
Sach’a Mamamanta llulla
kawsasqa
Sach’a Mama sutiyuqqa huk hatun hatun mach’aqwaymi. Payqa
sapallanmi p’unqu p’unqu allpakunapi may yunka ukhupi tiyakun.
Watanmanhina kay hatun mach’aqwaypa llasayninqa mana kuyurichiy
kapun, chayraykutaq payqa manaña suyruytapas atipunñachu,
chayraykutaq kay mach’aqwayqa huk hawallataña maskakun chaypi
wiñaypaq tiyananpaq. Chay akllasqan allpapim kay mach’aqwayqa
chupallanwan huk hatun ch’usaq pampata rurakun, chay hatun pampapi
kaspam mikhunan uywakunataqa suyan. Chay ch’usaq pampapiña
kaspaqa pichus maychus chay qayllanta puriqkunatas aysaykukuq kallpanwan
runatapas huk uywakunatapas hap’in. Chayraykus mikhunanqa payllamanta
chay ch’usaq hawaman purin.
Piña kaspapas, huk uywapas, sallqapas, runapas chay qayllanta rispaqa
hatun umallantañas rikun, ichaqa manañataqsi pipaqpas qispiyqa
kanñachu. Chaypiña tarikuspaykiqa aswansi Sach’a Mamaqa aysaykusunki,
kay kutiqa manchakuna siminman chiqan. Chaypiñataqsi tulluykikunatapas
p’akirparisparaqsi rakraykusunki.
Imapas mikhusqan qhipamantaqa may unaysi puñuq churakun.
Rikch’arintaqsi may pachachus mikhusqanta tukuspaña. Chaymantaqa
yapamantas wak kawsaq yukananpaq chay ch’usaq pampapi suyallantaq.
189