FRAGMENTO

Horizontes del saber I
Taytáy, ¿hayk’a qullqitataq
tarinkI
Yuyaychakunapaq
Ña tutaña kasqa, ichaqa huk irqicha puñurquyta mana munaspa
anchatapuni kallpachakusqa; rikch’aytapunis payqa munasqa: taytantas
payqa suyachkan.
Ña kay wawapa ñawinkunaqa ch’illmirquchkarqanña, chayllapis
qunqaymanta punkuqa “k’ir” nispa kicharqukun; chay wawaqa
p’itamunraqsi puñunanmanta, chaysi payqa utqaytaraq:
—Taytáy, ¿hayk’a qullqitataq sapa uramanta chaskinki — nispa hatun
ñawintinraq nisqa.
Taytanqa phiñasqataq sayk’usqataqsi kayhinata kutichisqa:
—Wawacháy, manam chaytaqa mamaykipas yachanchu, kunanqa ama
aswan turiyawaychu, ¡puriy puñumuy! Qampaqqa ñam tutaña- nispa
nirparisqa.
—Arí taytáy, huk simillata niway,¿hayk’atataq sapa uras llamk’asqaykimanta
qusunkiku —nispas kay wawaqa yapamanta rimarqullantaq.
Ancha phiñasqas chay taytaqa kayhinata chay wawanman kutichisqa:
—Pusaq sulista – nispalla.
—Taytáy, ¿mañariwankimanchu tawa sulis qullqiykita — nispas chay irqiqa
taytanta tapuykusqa.
Taytanqa aswan phiñas chay irqichanta rikranmanta hap’ispa kayhinata
qapariykusqa:
—¿Chaypaqchu hayk’a qullqi tarisqayta yachayta munarqanki ¡Utqay
puñukuq ripuy! Ama astawan turiyawaychu – nispas nisqa.
Chay irqiqa manchasqa manchasqallas taytanta saqirparispa ayqikapun,
taytanñataqsi allinta yuyaymanakuspa puñuytapas mana hap’isqachu,
152